Арассыыйа быйылгы түһүлгэтигэр 57 киилэҕэ диэри ыйааһыҥҥа Саха сириттэн түөрт бөҕөс кыттар.
“Сахалар категориялара” дэнэ сылдьыбыт 57 киилэҕэдиэри ыйааһыҥҥа тустууну сэҥээрээччилэр дойду икки төгүллээх боруонса призера (2014, 2016 сс.) 23 саастаах Арыйаан Тютриҥҥа эрэллэрэ улахан. Этэргэ дылы, сиһин этэ ситэн, буутун этэ буһан, Одинцово көбүөрүгэр баарын биллэриэ диэн сэмээр күүтэллэр.
Бастакы эргииргэ кинини утары 18 саастаах биир дойдулааҕа, кадеттар ортолоругар Европа, аан дойду чөмпүйүөнэ, быйыл АХШ ыытыллыбыт норуоттар икки ардыларнааҕы турнир кыайыылааҕа Алексей Копылов тахсыаҕа.
Роман Дмитриев турнирын чөмпүйүөнэ 21 саастаах Егор Потаповпыт бастакы хапсыһыытыгар уолаттар ортолоругар дойду 2016 сыллааҕы чөмпүйүөнэ, Роман Дмитриев турнирын финалиһа Туметей Меткены (Тыва) кытта тустуоҕа.
Москва куорат аатыттан тустар норуоттар икки ардыларынааҕы кылаастаах спорт маастара Михаил Ивановпыт байыаннай сулууспалаахтар ортолоругар аан дойду былырыыҥҥы чөмпүйүөнэ, 23-гэр диэри саастаах ыччаттар ортолоругар Европаҕа бастыыр иһин күрэхтэһии кыайыылааҕа Ибрагим Ильясовтыын (Краснодар-Дагестан) күөн көрсүөҕэ.
Күрэхтэһии бүгүн Дьокуускай бириэмэтинэн 17 чаастан саҕаланар.
Роман Попов
57кг
Фианал 1/8
КОПЫЛОВ — ТЮТРИН
Хадарцев —
квалификация
Дамдинов — Тускаев
Хасиев — Гамзатов
Кужугет — Казавов
Дондук-оол — Бадрудинов
Танашев — Шахбанов
Газимагомедов — Абдурахманов
Машезов — Чалаев
Шарипов — Пак
Угуев — Садулаев
Арабидзе — Гаджиев
ПОТАПОВ — Метке
Артыш-оол — Гаирбеков
ИВАНОВ — Ильясов
Хаартыска Интэриниэттэн ылылынна.