close
«Аргыс» ыһыытын түмүктээтэ
Олох-дьаһах - Тыа сирэ

«Аргыс» ыһыытын түмүктээтэ

Сиртэн үүнээйини ылыыга идэтийэр «Аргыс» тыа хаһаайыстыбатын кэпэрэтиибэ Томпо улууһугар биир бөдөҥ хаһаайыстыбанан биллэр.

edersaas.ru


Кэпэрэтиип 2011 с. Мэҥэ-Алдан агро-оскуолатын иһинэн тэриллибитэ. Сылтан сыл базатын хаҥатан, ыһыытын сирин кэҥэтэн, билигин 320 кв. м иэннээх кыһыҥҥы, 600 кв. м иэннээх сайыҥҥы тэпилииссэлэрдээх, 68 гектар бааһыналаах. Онон, оҕуруот аһын уонна хортуоппуйу үүннэрэр, сүөһү аһылыгын ыһар.

Дьоҕус хаһаайыстыба дьоһун үлэһиттэрэ саас эрдэттэн араас оҕуруот аһын, дьэдьэн уонна сайыҥҥы сибэкки арассаадатын олордон, нэһилиэнньэҕэ атыылыыллар. Холобур, быйыл сайаапка быһыытынан Хаандыга бөһүөлэгэр 520, нэһилиэнньэҕэ 6 тыһ. кэриҥэ арассааданы батардылар. Мэҥэ-Алдан бөһүөлэгэр баар тэрилтэлэргэ көмө бэрээдэгинэн сайыҥҥы сибэккилэри уонна оҕуруот аһын арааһын олордон биэрдилэр, оттон агро-оскуола иннин күөҕүнэн чэлгиттилэр.

Билигин оҕуруот аһын ыһыытын түмүктээн эрэллэр. Ол курдук, хортуоппуйу 4 гектар бааһынаҕа, аһаҕас буорга олордуллар оҕуруот аһын (моркуобу, сүбүөкүлэни о.д.а.) үс гектарга, хаппыыстаны биэс гектарга олортулар. Эбиэһи 57 гектарга ыстылар. Даҕатан эттэххэ, былырыын эбиэһи күөхтүү хомуйан, 100 тонна оту хаһаайыстыбаларга батарбыттара.

Оҕуруот аһын көрүүгэ-истиигэ кэпэрэтиип үлэһиттэригэр үс симиэнэнэн үлэлиир үлэ-сынньалаҥ лааҕырын оҕолоро көмөлөһөллөр. Итинэн оскуола үөрэнээччилэрэ сайыҥҥы көхтөөх сынньалаҥы таһаарыылаах үлэни кытары дьүөрэлииллэр, тыа сирин үлэтин-хамнаһын кыра эрдэхтэриттэн билэ улааталлар.

Ирина ФЕДОРОВА, Томпо. “Саха сирэ” хаһыат, edersaas.ru сайтка анаан.

 

#бүгүн: 1
5
0

Сайт матырыйаалларын ааптар көҥүлэ суох ылар бобуллар.

Мин санаам:

шестнадцать − 7 =