Арктика сайдыытыгар туһуламмыт кэмпириэнсийэ

Ааптар: 
Бөлөххө киир:

Бүгүн СӨ Наукаларын академиятыгар «Арктика вектора: Р.И Шадрин (1893-1934) — эбээн норуотун бастакы судаарыстыбаннай уонна уопсастыбаннай деятелэ» диэн I научнай-практическай кэмпириэнсийэ буолла.


Тэрээһин икки түһүмэххэ араарылынна. Бастакы түһүмэх»Былыргыттан бүгүҥҥү күҥҥэ диэри: төрүт омуктар бэлитиичэскэй, экэнэмиичэскэй уонна социокултуурунай  уларыйыылар усулуобуйаларыгар» диэн ааттаах. Модератодар — Аҕыйах ахсааннаах хотугу норуоттар ассоциацияларын  вице-бэрэсидьиэнэ Вячеслав Шадрин, Арассыыйа эбээннэрин сойууһун салайааччыта Михаил Погодаев.

Бу түһүмэххэ дакылааттаабыт учуонайдар: историческай наука дуоктара Сардаана Боякова эбээн норуотун судаарыстыбаннай уонна уопсастыбаннай диэйэтэлэ Роман Шадрин олоҕун, үлэтин, историческай наука кандидата Егор Антонов  1920-1930 сс. аҕыйах ахсааннаах норуоттар сайдыыларыгар Хотугу сир Кэмитиэтин уонна автономнай Саха сирэ судаарыстыбаннай бэлиитикэлэрин, бэлитиичэскэй наука кандидата Елена Маклашова Арассыыйа омуктарын сыһыаннарын бөҕөргөтүүгэ национальнай бэлиитикэ соругун туһунан сырдаттылар.

Иккис түһүмэх хотугу аҕыйах ахсааннаах норуоттар билиҥҥи кэм усулуобуйатыгар сайдыыларын ырытыыга ананна.

Елена ПОТОЦКАЯ, «Саха сирэ» хаһыат, edersaas.ru

Ааптар хаартыскаҕа түһэриитэ.

+1
0
+1
0
+1
0
+1
0
+1
0
+1
0
+1
0