Бөөлүүн түүн өлүөхүмэлэр аҥаардара утуйбатылар диэтэхпинэ, улахан омуннааһын буолуо суоҕа. Чахчыта да оннук. Үгүстэр быыбар хаамыытын түүн 3 ч диэри кэтээтилэр. Социальнай ситимнэр, ордук батсаап бөлөхтөр оргуйан олордулар. Дьэ, ол гынан ким кыайда?
edersaas.ru
Санатан эттэххэ, Өлүөхүмэ улууһуттан Ил Түмэҥҥэ үс хандьыдаат – Арсентий Николаев, Николай Ефимов-Владимиров, Николай Харбин турбуттара. Киин быыбардыыр хамыыһыйа иһитиннэрэринэн, Өлүөхүмэ улууһугар 16 931 быыбардааччы баарыттан, 51,61 % быыбарга кыттыбыт. Итинтэн 35,78 % А.Николаевка, 31,47 % Н.Ефимов-Владимировка, 26,90 % Н.Харбиҥҥа куоластаабыт. Онон норуот дьокутаатынан Арсентий Николаев буолла.
Людмила ПОПОВА, “Саха сирэ” хаһыат, edersaas.ru
Хаартыска — интэриниэттэн.
+1
+1
+1
+1
+1
+1
+1