«Арыгы — дьаат»: Биир үрүүмкэ содула

Бөлөххө киир:

Билигин араас хаһыаттар, сурунааллар, күөх экран биэриилэрэ кыһыл, сухуой арыгыны, пиибэни кыралаан иһэр туһалаах диэн кэпсииллэр. Ити этиилэр олох сыыһалар, дьону албынныыллар.

edersaas.ru

Ити утахтарга киһи түргэнник ыллаттарар, бастаан бырааһынньыкка эрэ иһэр буоллаҕына, кэлин туох да төрүөтэ суох, дьиэтигэр олорон бытовой иһээччи буолуон сөп. Арыгы, пиибэ, кыһыл утах син биир наркотиктар, ону бары өйдүөх тустаахпыт.

Быраастар ыыппыт үөрэтиилэринэн көрдөххө, арыгы иһэр киһи ньиэрбэтин систиэмэтигэр улахан охсууну оҥорор. Киһи 25 грамм арыгы иһэн баран, холобур, сурук суруйар буоллаҕына, 15-20 % сыыһалары оҥорор. Суоппар суол бэлиэлэрин өйдөөн көрбөт, көтүтэр, үксүгэр суол саахалларын арыгы испит суоппардар оҥороллор. Учуонайдар дакаастаабыттарынан, 50 грамм арыгыны испит дьон суол саахалын 30 төгүл, 200 грамм арыгыны испит дьон саахаллары 130 төгүл улаатыннараллар. Итинтэн көрдөххө, кыра да арыгыны иһэн баран, массыынаны ыытар ыар содуллаах буолара дакаастанар.

Кыралаан да нууччалыы эттэххэ, «култуурунайдык» арыгы иһэр дьон  үлэлиир таһымнара кыччыыр, айар-тутар дьоҕурдара намтыыр. Холобур, 1 үрүүмкэ буоккаттан мэйии үлэлии сылдьар 10 000 килиэккэтэ хаһан да төннүбэттии өлөр. 

Биллиилээх учуонай, физик Лев Давыдович Ландау суруйарынан, Саҥа дьылга иһиллибит биир бакаал шампанскай киһи айар-тутар дьоҕурун биир ыйга бытаардар.

Кырдьык даҕаны, 200 грамм кыһыл арыгыны истэххэ, киһи толкуйдуур дьоҕура, информацияны ылынара 18-20 күн буолан баран биирдэ тиллэр. Итинтэн көрдөххө, ыйга киһи иккитэ арыгы иһэр буоллаҕына, киһи мэйиитэ ыйы быһа дьааттаах сылдьар, ол дьаатыттан сатаан ыраастаммат.

Онон, арыгыттан аккаастаныҥ, арыгы – дьаат!

Чөл олохтоох, бигэ туруктаах эрэ норуот инникигэ эрэллээх, кэскиллээх!

Матвей Лыткин,

СӨ Арыгы ырыынагын хонтуруоллуур управлениетын салайааччы. 

+1
0
+1
0
+1
0
+1
0
+1
0
+1
0
+1
0