Өссө биир педофилга суут бириигэбэрэ таҕыста.
Вера МАКАРОВА, «Саха сирэ», https://edersaas.ru/
Суут быһаарбытынан, Бүлүү улууһуттан төрүттээх 28 саастаах киһи 2015 сыл сэтинньи ыйыттан оскуолаҕа үөрэнэр 15 саастаах кыыстыын төлөпүөнүнэн суруйсубут.
2016 сыл олунньутугар бу киһийдэх кыыс сокуоннай сааһын ситэ илигин билэ-билэ, кинини массыынанан хатааһылата ыҥырбыт. Уонна арыгыны бэйэтэ испэккэ эрэ, кыыска иһэрдэн тахсыбыт.
Онтон кыыс бэйэтин уйуттубат буолуор диэри итирбитин көрөн, массыынатын гарааска киллэрэн баран, күүһүлээбит.
Суут мунньаҕар педофил буруйун мэлдьэһэ, «икки өттүттэн сөбүлэһэн» диэн куотуна сатаабыт.
Ол эрэн, оҥорбута дакаастанан, суут кинини буруйдааҕынан билинэн, 10 сылга кытаанах эрэсиимнээх холуонньаҕа көҥүлүн быһарга уурбут, онно эбии 1 сыл көҥүлэ хааччахтанар.
Эмсэҕэлээбит кыыска мобильнай кризиснэй сулууспа психологтара, медиктэрэ көмөлөспүттэрин туһунан РФ СК Саха сиринээҕи управлениета иһитиннэрдэ.
Вера МАКАРОВА, «Саха сирэ», https://edersaas.ru/
Хаартыска: интернеттэн.