Нерюнгри полициятын дьуһуурунай чааһыгар биир киһи эрийэн, кини кыбартыыратыттан 21.266 солк. харчы сыаналаах «SAMSUNG Galaxy A5» суотабай төлөпүөнэ сүппүтүн туһунан иһитиннэрбит.
Бу чахчынан суһал-ирдиир тэрээһиннэр ыытыллан, полиция оперативниктара уорууга уорбаланааччыны туппуттар — ханна да үлэлээбэт 36 саастаах дьахтар эбит.
Барыллаан быһаарыынан, бииргэ арыгылаан баран, дьахтар дьиэлээх хаһаайын утуйбутун кэнниттэн, бу ыарахан сыаналаах смартфону уоран ылбыт уонна атахха биллэрбит.
Ол тахсан төлөпүөнү 1 тыһ. солк. харчыга уонна икки бытыылка буоккаҕа атыылаабыт. Харчытынын арыгы атыыласпыт.
Бу чахчынан «уоруу» ыстатыйанан холуобунай дьыала тэриллибит.
Бу туһунан СӨ ИДьМ-тын пресс-сулууспата иһитиннэрдэ.
Биһиги корр., «Саха сирэ» хаһыат, edersaas.ru
Хаартыска: интэриниэттэн.