Тыа хаһаайыстыбатын өрөспүүбүлүкэтээҕи быыстапка-дьаарбаҥка кыайыылаахтара үгэс курдук, салааларынан араарыллан быһаарылыннылар.
Астыыр-таҥастыыр салааҕа бастыҥынан ааттаннылар: бурдук аска «Дьокуускайааҕы килиэп комбината» ААУо (ген. дириэктэр Денис Белозеров), үрүҥ аска “Сыа Бүлүү“ ТХПК (бэрэссэдээтэл Алексей Кондратьев, Бүлүү), арыыга “Таатта” ТХПК (дир. Дмитрий Алексеев), сырга “Дьокуускайдааҕы үүт собуота” ХЭУо (ген. дириэктэр Юрий Бабенко), эт аска «Бөртө-Ас» ТХПАК (сал. Александр Павлов, Хаҥалас), халбаһыыга «Полюс холода» ТХПК (дир. Екатерина Портнягина, Дьааҥы), итирдибэт утахха уонна ыраас ууга “Мииринэйдээҕи үүт собуота” МУТ (дир. Татьяна Шарова), балык аска “Туймаада-Агронснаб” (ген. дир. Павел Чириков), сир аһын бородууксуйатыгар “Саха сирин отоно” ХЭУо (сал. Артур Аржаков, тигээйи бородууксуйатыгар “Солдатова” биирдэм тэрилтэтэ (сал. Лариса Солдатова, Нам).
Сиртэн үүнээйини ылыы салаатыгар “Тумул” кэпэрэтиип (сал. Таисия Десяткина, Мэҥэ Хаҥалас), “Бастыҥ агро-оскуола” номинацияҕа Майа орто оскуолата (дир. Светлана Игнатьева, Мэҥэ Хаҥалас) бастаатылар.
Сүөһү иитиитин салаатыгар симменталь боруодаҕа бастыҥынан “Хорообут” ХЭУо (сал. Валерий Колесов, Мэҥэ Хаҥалас) ынаҕа ааттанна, холмогорга “Бөртө” сылгы собуотун (сал. Александр Павлов, Хаҥалас) ынаҕа, истиэп кыһыл боруодатыгар “Чүүйэ” МУТ (сал. Станислав Кириллин, Мэҥэ Хаҥалас) ынаҕа, хара эриэн боруодаҕа “Сахаплемхолбоһук” ААУо (сал. Николай Попов) ынаҕа, калмык сүөһүтүгэр “Солооһун” кэпэрэтиип (сал. Андрей Холмогоров, Мэҥэ Хаҥалас) атыыр оҕуһа, саха сүөһүтүгэр “Сахаагроплем” (сал. Дмитрий Карманов, Дьокуускай к.) ынаҕа уонна атыыр оҕуһа, саха сылгытыгар Строд аатынан кэпэрэтиип (сал. Василий Тимофеев, Амма) атыыра, өрүс сүнньүн боруодатыгар “Бөртө” атыыра, Мэгэдьэк сылгытыгар Ст. Васильев аатынан сылгы собуотун (сал. Степан Хахыров, Ньурба) атыыра, Дьааҥы сылгытыгар “Остуолба” кэпэрэтиип (сал. Степан Слепцов, Дьааҥы) атыыра, Халыма сылгытыгар “Слепцов” бааһынай хаһаайыстыба (сал. Александр Слепцов, Нам) атыыра, табаҕа “Хатыыстыыр” (сал. Иван Илистяров) табата, сибиинньэҕэ “Сибиир” бааһынай хаһаайыстыба (сал. Владимир Кабохин, Дьокуускай к.) сибиинньэтэ бастаатылар. Түргэнник ситэр салааҕа киин куораттан Зоя Жендринская козата, “Гильдчишина” бааһынай хаһаайыстыба кууруссата, Юлия Гвиниашвили көтөрдөрө чорбойдулар.
Бааһынай уонна кэтэх хаһаайыстыбалар салааларыгар “Бастыҥ саҥа саҕалыыр бааһынай хаһаайыстыба” номинацияҕа «Д.А.Аржаков» бааһынай хаһаайыстыба (баһ. Дмитрий Аржаков, Чурапчы), «Дьиэ кэргэн бастыҥ пиэрмэтэ” номинацияҕа “Тойтоон» бааһынай хаһаайыстыба (баһ. Гаврил Пивоваров, Мэҥэ Хаҥалас), “Бастыҥ кэтэх хаһаайыстыба” номинацияҕа Татьяна Находкина кэтэх хаһаайыстыбата (Уус Алдан) бастаатылар. Үгэс буолбут түүлээх таҥаһы тигиигэ “Көмүс иннэ” аатынан “Томпо” фактория (Анатолий Тарабукин) “Бастыҥ түүлээх” номинацияҕа “Саха сирин түүлээҕэ” ХЭУо (Максим Васильев) бэлиэтэннилэр. “Саха сирин бүлүүдэлэрэ” бэстибээл “Хамаанданы бастыҥ билиһиннэрии” номинациятыгар “Өлөөн-торг” МУТ (бэр. Никан Николаев, Өлөөн), “Бастыҥ киэргэтиигэ” “Махтал” саха аһылыгын киинэ (дир. Иннокентий Лукин, Дьокуускай), “Бастыҥ амтан” номинацияҕа Атласовтар уһаайбалара (сал. Николай Атласов, Дьокуускай) чорбойдулар. Тыа хаһаайыстыбатын уонна ас-үөл бэлиитикэтин министиэристибэтин бирииһигэр ыытыллыбыт ат сүүрдүүтүн күрэхтэһиитигэр хамаанданан Амма улууһа (баһылык Николай Архипов) хотто!
“Ас-үөл – 2017” быыстапка-дьаарбаҥка Гран-притин туттулар:
— Астыыр-таҥастыыр промышленность тэрилтэлэригэр “Дьокуускайдааҕы көтөр фабриката” (ген. дир. Наталья Дягилева);
— Сиртэн үүнээйини ылыыга “Мындаҕаайы” ТХПК, Чурапчы улууһа (сал. Дмитрий Ноев);
— Үүт хайысхалаах сүөһү салаатыгар “Нөмүгү” агрофирма” ХЭУо, Хаҥалас (сал. Яков Барабанов);
— Сылгыны үөрдээн иитиигэ И.Я.Строд аатынан кэпэрэтиип, Амма улууһа (сал. Василий Тимофеев),
— Муниципальнай улуустарга уонна куораттааҕы уокуруктарга саамай элбэх хаһаайыстыбаны кытыннарбыт уонна элбэх бириэмийэни хомуйбут Мэҥэ Хаҥалас улууһа (баһылык Николай Старостин)!
Сүүс мөлүйүөннээх бородууксуйа
— Быйылгы быыстапка-дьаарбаҥка кэккэ үбүлүөйүнэй дааталары кытары алтыста, – диэтэ Бырабыыталыстыба Бэрэссэдээтэлин бастакы солбуйааччы-тыа хаһаайыстыбатын уонна ас-үөл бэлиитикэтин миниистирэ Петр Алексеев. – Бэрт тэрээһиннээхтик барда. Барыта 23 улуус, 360 тэрилтэ, араас киэптээх хаһаайыстыбалар кытыннылар, хортуоппуйга итиэннэ сибиинньэни иитиигэ үлэлиир хаһаайыстыбалар салайааччыларын мунньахтара тэрилиннэ. Саҕалааһын быһыытынан ыытыллыбыт аукцион улахан сэҥээриини ылла. Үс күн устата отут мөлүйүөн солкуобай суумалаах ас-үөл батарылынна. Маннык дьаһаллар зоналарынан эмиэ тэриллиэхтэрэ, ол иһигэр кэлэр күннэргэ промышленнай оройуоннар интэриэстэрин тардар сыалтан Миирнэйгэ, оттон алтынньыга “Сайсары” ырыынагар балык, сэтинньигэ “Идэһэ” быыстапкалара ыытыллыахтара.
Раиса Сибирякова, “Саха сирэ” хаһыат, edersaas.ru.