БКЭ-ҕэ астрономия предметэ киирбэт

Ааптар: 
Бөлөххө киир:

Ольга Васильева Россия үөрэҕин уонна наукатын миниистиринэн ананаат, урукку курдук оскуолаҕа астрономия биридиэмиэтэ киириэ диэн эппитэ. Бу күннэргэ Россиятааҕы үөрэх сонуннарын сайтыгар оҕолор астрономияҕа биир кэлим эксээмэни (ЕГЭ) туттарыахтара суоҕа диэн суруйбуттар.

Людмила Попова, “Саха сирэ” хаһыат, https://edersaas.ru/

Онно суруллубутунан, миниистир Ольга Васильева ТАСС-ка интервью биэрбит. Кэпсэтии быыһыгар астрономия биридимиэтигэр оҕолор биир кэлим эксээмэни туттарыахтара суоҕа диэбит. Итиэннэ тустаах биридимиэти оскуола бырагырааматыгар киллэрэргэ туох да уустук суоҕун ыйбыт. “Билигин нормативнай аакталар оҥоһулуннулар, үөрэх кинигэтэ баар. Биридимиэти физика учууталлара ыытыахтара. Бу да иннинэ физикаҕа ити тиэмэлэри үөрэтэллэрэ. Нэдиэлэҕэ биирдэ туспа биридимиэт быһыытынан үөрэтэр буолуохтара. Космоска көппүт дойду, сулустарга билигин даҕаны дьулуһуохтаах”, — диэн санаатын тиэрпит.

Манна сыһыары тутан эттэххэ, астрономияны туспа биридимиэт быһыытынан киллэрэри элбэх киһи туруорсубута. Космоһы кытта сибээстээх уонна үөрэх эйгэтин үлэһиттэрэ этии киллэрбиттэрэ.

Людмила Попова, “Саха сирэ” хаһыат, https://edersaas.ru/

+1
0
+1
0
+1
0
+1
0
+1
0
+1
0
+1
0