Аны аҕыйах сылынан кумааҕыны бэрийэр идэлэр, буҕаалтырдар, кассирдар, чунуобунньуктар үлэ ырыынагар биллэрдик аҕыйыахтара, кинилэри IT-технологияны баһылаабыт үлэһиттэр солбуйуохтара диэн этэллэр. 2030 сылга диэри 57 идэ сүтэрэ күүтүллэр уонна 186 саҥа идэ тахсыахтаах. Эдэр көлүөнэ ону учуоттаан үөрэххэ киириэн наада.
edersaas.ru
Холобур, доруобуйа харыстабылыгар IT-медик, биоэтик, медоборудование архитектора, тутууга прораб-вотчер, «Өйдөөх дьиэни» бырайыактааччы, тыа хаһаайыстыбатыгар агрокибернетик, автоматизированнай тиэхиньикэ оператора, ГМО-агроном, итиэннэ медиаполицейскай уо.д.а баар буолуохтара.
Билигин тас дойдулар супермаркеттарыгар атыыһыт да, кассир да суох. Дьон бородуукта ылан баран анал аппараакка кэлэн штрих-кодун баттыыллар уонна карточкаларынан тута төлүүллэр. Онон маҕаһыын элбэх киһиэхэ хамнас, уоппуска төлөөбөккө дохуота хас да төгүл улаатар. Биһиэхэ эмиэ илии үлэтэ кэлэр сылларга аччаан иһиэхтээх.
Марианна Тыртыкова, «Саха сирэ», edersaas.ru