Сыл ахсын сэтинньигэ буолар “Азия ыйа” диэн күрэспит быйыл эмиэ саҕаланна. Күрэскэ ким баҕарар кыттыан сөп: оскуола оҕолорун, устудьуоннары, биэнсийэлээхтэри барыгытын күүтэбит.
edersaas.ru
Азия ханнык эмит дойдутун хайатын, өрүһүн, дьонун, биллиилээх киһитин туһунан, быһатынан, Азияҕа сыһыаннаах ханнык баҕарар 4 ыстатыйаны Сахалыы Бикипиэдьийэҕэ суруйдаххына, эйиэхэ Японияттан, Таиландтан эбэтэр Азия атын дойдутуттан аккырыыкка кэлиэҕэ. Ону таһынан, ордук элбэх ыстатыйаны суруйбуттарга анал бириис туттарыахпыт. Онно эбэн саамай элбэх сахалыы ыстатыйаны суруйбут киһи “Бикипиэдьийэҕэ Азия Посола” диэн үрдүк Ытык ааты ылыаҕа, анал сэртипикээт тутуоҕа.
Сиһилии Бикипиэдьийэҕэ https://sah.wikipedia.org/w/index.php?title=БП:К:АЫ17 киирэн билсиҥ.
Тэрийэр бөлөх аатыттан Софрон ХОБУСАРОВ
Сахалыы Бикипиэдьийэ