Бүгүн – хаҥаһыйалар күннэрэ

Ааптар: 
Бөлөххө киир:

Халандаарга маннык күн баарын билэҕин дуу? Былыр хаҥаһыйалартан куттаналлар, чугаһаспаттар эбит. Тоҕо диэтэххэ, абааһы — хаҥаһыйа диэн өйдүүллэрэ ордук улахан кутталы үөскэтэрэ диэн суруйаллар. Оттон кэлин хаҥаһынан туттар, суруйар киһиттэн ким да куттаммат, соһуйар, дьиктиргиир эрэ буолбуттара. Сэбиэскэй кэмҥэ хаҥаһыйа оҕолору уҥаларынан суруйарга, уруһуйдуурга үөрэтэ сатыыллара.


1980 с. АХШ полицейскай Франклин Уинборну хаҥаһыйа буолан кобуратын сыыһа иилинэр, устаапка эппиэттэспэт диэн үлэтиттэн устубуттарыгар, улахан айдаан тахсыбыт, миитин тэриллибит. Онтон Роберт Грин почтаҕа суруктары хаҥас илиитинэн араарталыырын начаалынньыга уҥатыгар көһөрүгэр сорудахтаан, үҥсүһүү буолан турбут.

Хаҥаһыйалар Британиятааҕы кулууптарын көҕүлээһининэн, хаҥаһыйалар аан дойдутааҕы күннэрэ аан бастаан 1992 с. атырдьах ыйын 13 күнүгэр тэриллибит. Итиэннэ, тута, болҕомтону уурарга ыҥырбыттар. Ол курдук, хаҥаһыйа оҕону уҥатыгар көһөрө сатааһын, оҕо өйүгэр-санаатыгар охсуулааҕын өйдүүллэригэр ыҥырбыттар. Маны сэргэ, бытовой табаары оҥорооччулар, дизайнердар хаҥаһыйалары учуоттууллара наадатын эппиттэр. Атырдьах ыйын 13 күнүгэр хаҥаһыйалар уопсастыбаннай түмсүүлэрэ күрэхтэһиилэри тэрийэрин биллэрбиттэр.

Бэлиэтииллэринэн, хаҥаһыйа ордук эр дьоҥҥо баһыйар элбэх эбит. Уйулҕа үөрэхтээхтэрэ маннык дьон күүстээх санаалаахтарын, айар дьоҕурдара улаханын ыйбыттар.

Аан дойдуга биллэр хаҥаһыйалар:

Гай Юлий Цезарь, Александр Македонскай, Наполеон Бонапарт, Леонардо да Винчи, Альберт Эйнштейн, Исаак Ньютон, Пабло Пикассо, Чарли Чаплин, Мэрилин Монро, Николь Кидман, Киану Ривз, Людвиг Ван Бетховен, Сергей Рахманинов, Аристотель, Ганс Христиан Андерсен, Марк Твен, Диего Марадона, Пеле, уо.д.а.

+1
0
+1
0
+1
0
+1
0
+1
0
+1
0
+1
0