Италия киин куоратыгар буола турар ыччаттар ортолоругар Европаҕа бастыыр иһин күрэхтэһиигэ бүгүҥҥүттэн көбүөргэ уолаттар тахсыахтара. Бу түһүлгэҕэ Арассыыйа сүүмэрдэммит хамаандатыттан саха тустууга оскуолатын иитилээччитэ Петр Копылов тустуоҕа.
57 киилэҕэ диэри ыйааһыҥҥа сүүрбэ дойду бөҕөстөрө бэйэлэрин икки ардыларыгар күүстээхтэри быһаарсыахтара. Петр Копылов бастакы эргииргэ былырыыҥҥы күрэс боруонса призера Хорст Леры (Германия) кытта тустуоҕа.
Бу иннинэ саха тустууга оскуолатын өссө биир иитиллээччитэ Алина Казымова бастакы хапсыһыыларыгар Доминика Кульвицканы (Польша), Эрика Богнариһы (Венгрия) кыахтаахтык баһыйа туппута. Онтон Молдоваттан сылдьар Европа 2016 сыллааҕы чөмпүйүөнүгэр, аан дойду үрүҥ көмүс призеругар Анастасия Никитаҕа хоттордо — 8:1. Салгыы Хотугулуу-Илиҥҥи университет устудьуона эрэхтээх киирсиигэ Морене Де Вита диэн Италия тустуутугар 2:6 ахсаанынан кыайтаран, бэһис миэстэнэн дуоһуйарга күһэлиннэ.
Роман Попов
57 кг
Квалификация
Вирджило Гуарино (Италия) — Нино Леутерт (Швейцария)
Теймураз Ванишвили (Грузия) — Мехмед Хасан Мехмед (Болгария)
Павол Старон (Словакия) — Андрей Джелеп (Украина)
Адриан Якуб Вагнер (Польша) — Валентин Дамур (Франция)
1/8 финала
Раймунд Фаркаш (Венгрия) — Ион Бутнару (Молдова)
Владислав Койко (Беларусь) — Гари Джордмейна (Мальта)
Минир Реджепи (Македония) — Алиаббас Рзазаде (Азербайджан)
Арсен Арутунян (Армения) — Мадалин Баранга (Румыния)
Хорст Лер (Германия) — Петр Копылов (Россия)
Ахмет Тас (Турция) — Георгиос Пилидис (Греция)