Бүгүн Уус Ньараҕа «Металлург» култуура дьиэтигэр «СССР» бөлөх кэнсиэртээтэ

Бу бөлөх «Бесмертный полк», «Донбасс в огне» ырыалара көрөөччүлэри олус долгутта. Санатар буоллахха, Донбасска сэрии буола турдаҕына, бу бөлөх үстэ онно анаан-минээн тиийэн, кэнсиэртээбитэ.

Александр Тарасов, «Саха сирэ» хаһыат, edersaas.ru

Донбастан сөмүлүөтүнэн төннөн иһэн, «Донбасс в огне» диэн ырыаны бөлөх лиидэрэ Александр Жадан айбыт.
Кинилэр Уус Ньараҕа оруобуна Кыайыы күнүн иннинэ ыллыы кэлэллэрин «Янтарь» хампаанньа салайааччыта Александр Ватаси ыҥырбыт. Сарсын Улуу Кыайыы күнүгэр Уус Ньараҕа «Земляне» рок-бөлөх кэнсиэртиэҕэ.
Василий Романов, Уус Ньара олохтооҕо:
— Байыаннай ырыалары дуоһуйуохпар диэри астына иһиттим. «СССР» бөлөх чахчы патриотическай ырыалары кыайа тутан ыллыыр. Ити ырыалар төрөөбүт дойдуну таптыырга, Ийэ дойду көмүскүүргэ ыҥырар ис хоһоонноохтор.