Бүлүү дьаһалтата: ураһаны уоттаабыттарынан дьыала тэрилиннэ

Ааптар: 
Бөлөххө киир:

«Билигин соруйан уматыы диэн, силиэстийэлиир дьыала тэриллэн, уоттааччылары көрдүү сылдьаллар. Тутааччылар, ураһа умайыан иннинэ, Хомустаахтан сырдык өҥнөөх массыына баран эрэрин көрбүттэр. Билигин улуус дьаһалтата, куорат дьаһалтата уонна тутааччылар буолан суһал мунньах оҥордубут. Ураһаны саҥаттан тутарга тэринэн эрэбит«, — диир Клара Гаврильева.

Санатан эттэххэ, Бүлүү куоракка быйыл бэс ыйын 28-29 күннэригэр Олоҥхо ыһыаҕа буолуохтаах.


Ураһаны саҥаттан тутарга нэһилиэнньэ турунна

Бүлүү олохтоохторо биир дойдулаахтарыгар маннык ис хоһоонноох ыҥырыы суругу батсаабынан тарҕаттылар:
«Уб. Бүлүүбүт улууһун олохтоохторун, бар дьоммутун бу ыарахан кэмҥэ санаабытын түмэн, сомоҕолоһон кылгас кэмҥэ ураһаны саҥаттан тутарга көмөлөһүөҕүҥ, ыытыллар үлэлэргэ барыгытын көхтөөхтүк кыттаргытыгар ыҥырабыт! Буруйдаах булуллан сөптөөх эппиэккэ тардыллыаҕа, туһааннаах органнар үлэни күүстээхтик ыыталлар.
Маннык кэмҥэ бүлүүлэр түмсүүлээхпитин көрдөрүөҕүҥ! Өрөспүүбүлүкэтээҕи Олоҥхо Ыһыаҕын үрдүк таһымнаахтык ыытыаҕыҥ!»

Билигин олохтоохтор  биир санаанан түмсэн, ураһаны саҥаттан тутарга харчы хомуйан эрэллэр. Ыһыахха диэри тутуохпут диэн эрэллээхтэр. Санатан эттэххэ, умайбыт ураһа тутулларыгар 4 мөл.солк. барбыт.

+1
0
+1
0
+1
0
+1
0
+1
0
+1
0
+1
0