Атырдьах ыйын 22 күнүгэр Бүлүү куоракка Ыччат сылын чэрчитинэн, Россия былааҕын күнүгэр аналлаах «Я люблю тебя, Россия» диэн патриоттуу ырыа күрэхтэһиитэ буолла.
Өрөспүүбүлүкэ араас муннугуттан сүүмэрдиир түһүмэххэ уон биэс ыччат кыттыбытыттан, финалга аҕыс ырыаһыт ааста. Түмүккэ 3-с истиэпэннээх лауреат аатын Үөһээ Бүлүүттэн Владимир Васильев ылла уонна 15.000 тыһ.солк. наҕараадаланна. 2-с истиэпэннээх лауреат — Бүлүүттэн Вячеслав Константинов 20.000 тыһ.солк., 1-кы истиэпэннээх лауреат Уус Алдантан Владислав Лукачевский 25.000 тыһ.солк. наҕараадаланнылар. Гран-при хаһаайынынан буолла Дьокуускай куораттан Аскалон Семенов уонна 30.000 тыһ.солк. наҕараадаланна. Ону таһынан, «Я люблю тебя, Россия» Бүтүн Арассыыйатааҕы күрэхтэһиигэ Саха сирин аатыттан кыттар чиэскэ тигистэ. Күрэхтэһии кыайыылааҕа Аскалон Семенов үөрүүтүн үллэһиннэ:
— Олус үчүгэй, үрдүк тэрээһиннээх күрэхтэһии ааста, кыттааччылар бары күүстээхтэр. Дойдум Баппаҕаайы нэһилиэгэ 100 сылыгар бэлэх оҥорон ырыа айбытым. Ол ырыабынан кытынным. Кыайыыбыттан олус үөрдүм. Бүтүн Арассыыйатааҕы күрэххэ Сахам сирин үрдүк таһымҥа көрдөрбүт киһи диэн баҕа санаалаахпын.
Анастасия АЛЕКСЕЕВА, «Саха сирэ» хаһыат, edersaas.ru
+1
+1
+1
+1
+1
+1
+1