Бэс ыйын 28 күнүгэр «Бүлүү кэскилэ»уопсастыбаннай түмсүү (землячество) мунньаҕа буолан ааста. Бэбиэскэҕэ буолаары турар Ил Дархан уонна Ил Түмэн быыбардарын кэпсэттилэр.
Мунньаҕы түмсүү салайааччылара Анастасия Павлова уонна Савва Михайлов ыыттылар.
Мунньахха ытык киһибит Аҕа дойду улуу сэриитин кыттыылааҕа Кирилл Павлов, улуус урукку баһылыктара Юрий Михайлов, Дмитрий Махаров уонна Анастасия Павлова кытыннылар, ону таһынан түмсүү актыыба, ыччат.
Кэпсэтии уонна сүбэлэһии түмүгүнэн Ил Дархан быыбарыгар Айсен Николаевы өйүүргэ уонна улуус, өрөспүүбүлүкэ дьонугар ыҥырыы ылынарга уураах ылыннылар.
«Бүлүү кэскилэ» түмсүү Айсен Николаевы өйүүргэ инициативнай бөлөх тэрийдэ, састааба: Анастасия Павлова, Юрий Михайлов, Сергей Шамаев, Мичийэ Тоокой, Софрон Попов.
Иккис боппуруоска Ил Түмэҥҥэ Бүлүү биир мандаттаах уокуругар Ньургуйаана Захарованы өйүүргэ уонна улуус дьонугар ыҥырыы ылынарга куоластаан бигэргэттибит. Кэпсэтиигэ Майя Тимофеева, Анастасия Алексеева, Акимар Михайлов, Софрон Попов, Степан Михайлов, Мичийэ Тоокой уо.д.а. санааларын этиннилэр.
Ол курдук, Дьокуускайга олорор Бүлүүлэр буолаары турар быыбардарга бэйэтин санаатын биллэрдэ.
«Бүлүү кэскилэ» түмсүү.