Бэҕэһээ, балаҕан ыйын 20 күнэ үүнэр түүнүгэр, Бүлүү суолун 536-с килэмиэтиригэр суол быһылаана таҕыста.
СӨ ИДьМ-тын ГИБДД пропагандаҕа отдела иһитиннэрбитинэн, «Тойота Платц» массыына суоппара Үөһээ Бүлүүттэн Дьокуускай куоракка түөрт аргыстаах айаннаан иһэн, суол бэлиэлэрин өйдөөн көрбөккө, 3 м үрдүктэн дьаамаҕа түспүт. Уу турбаларын туруортуур, өрөмүөн бара турар сиригэр. Ол туһунан суоппардары сэрэтэр анал бэлиэлэр баалларын үрдүнэн.
Бу биэс киһи бары араас эчэйии ылбыт, икки киһи балыыһаҕа киллэриллибит.
«Тойота» уруулугар олорон испит 21 саастаах суоппар арыгы испэтэх, массыына ыытар быраабы сыл аҥара анараа өттүгэр ылбыт эбит. Киин куоракка ити атыыласпыт массыынатын дуогабарын түһэрсэ баран испит.
Бу чахчынан процессуальнай бэрэбиэркэ барар.
Хаартыска: интэриниэттэн
+1
+1
+1
+1
+1
+1
+1