Бүлүү өрүһү техногеннай киртитиини утаран, Эбэ көмүскэлигэр болҕомто тардаары, “Зеленый пояс Вилюя” экология пуондата аахсыйа саҕалаата. Кырачааннар кумааҕыттан оҥорбут кыталыктарын АЛРОСА, Россия, Саха сирин салалталарыгар, аан дойду айылҕа харыстабылын тэрилтэлэригэр ыыталлар.
Д.Г.Макаров аатынан “Зеленый пояс Вилюя” экология пуондата Бүлүү эбэни киртитиини утарар тэрээһини саҕалаата. Улуус киинин “Чуораанчык” оҕо кыһатын иитиллээччилэрэ оригами ньыматынан саха айылҕатын маанылаах көтөрдөрүн — кыталыктары оҥоруохтара.
Пуонда салалтата улуус тэрилтэлэрин, олохтоохторун, атын улуустары бу аахсыйаҕа кыттыһарга, кыталыктары оҥорон Бүлүү куорат “Чуораанчык” оҕо кыһатыгар тиксэрэргэ ыҥырар.
Пуонда “Бүлүү өрүс күнэ” диэн тэрээһини бастакынан толкуйдаан олоххо киллэрбитэ киэҥ биһирэбили ылбыта, эбэ сүнньүгэр сытар улуустарга тарҕаммыта.
Николай КУПРИЯНОВ, «Саха сирэ» хаһыат, edersaas.ru сайтыгар анаан.
+1
+1
+1
+1
+1
+1
+1