Өрүстэринэн айан-сырыы сабыллыбытын да үрдүнэн, «Бүлүү» федеральнай суолталаах суолунан ыарахан уйуктаах тиэхиньикэлэр сырыылара уҕараабат. Эбиитин халлаан сылыйан, сорох сирдэринэн федеральнай суолбут олох даҕаны «хааһыланна».
Анивера АКИМОВА, «Саха сирэ» хаһыат, edersaas.ru
Онон «Бүлүү» федеральнай суолун управлениета сорох учаастактарга хааччахтааһыны киллэриэҕэ. Ол курдук, Суол федеральнай агентствотын «О введении временных ограничений движения транспортных средств по автомобильным дорогам общего пользования федерального значения в 2017 году» бирикээһигэр олоҕуран, ыам ыйын 22 күнүттэн саҕалаан бэс ыйын 21 күнүгэр диэри буолуоҕа. Хааччах массыына төһө уйуктааҕынан олохтонуоҕа.
Билигин Дьокуускай – Бэрдьигэстээх икки ардынан сорох учаастактарынан суол алдьанан, кыра массыыналар харгыстары көрсөн эрэллэр.
Анивера АКИМОВА, «Саха сирэ» хаһыат, edersaas.ru