Алтынньы 12—15 күннэригэр Турция Дальян куоратыгар Тустуу холбоһуктаах эйгэтин (UWW) былааҕынан ыытыллыбыт кумахха тустууга аан дойду чөмпүйэнээтигэр саха бөҕөстөрө үс боруонса мэтээли ыллылар.
Саха сирин уон хапсаҕайдьытыттан турар Арассыыйа сүүмэрдэммит хамаандата бу түһүлгэҕэ үс боруонса мэтээли ылары ситистэ. Уолаттар ортолоругар 80 киилэҕэ диэри ыйааһыҥҥа Алексей Мигалкин үһүс бириистээх миэстэни ылла. Улахан дьоҥҥо 90 киилэлээхтэргэ Платон Саввинов, 90-тан үөһэ ыйааһыҥҥа Федор Иванов пьедестал алын үктэлин дабайдылар.
Аан дойду түһүлгэтигэр Манчаары Баһылай аатынан спорт национальнай көрүҥнэригэр киин үлэһитэ, өрөспүүбүлүкэтээҕи категориялаах судьуйа Андриан Захаров арбитр быһыытынан үлэлээтэ.
Роман Попов, “Саха сирэ” хаһыат
+1
+1
+1
+1
+1
+1
+1