close
Мииринэйгэ баан каартатыттан уорбуттар
Бэрээдэк - Олох-дьаһах

Мииринэйгэ баан каартатыттан уорбуттар

Мииринэй полициятын дьуһуурунай чааһыгар биир киһи сайабылыанньа киллэрбит — баанын каартатыттан харчы уорбуттарын туһунан.

edersaas.ru

Кини быһаарбытынан, каартатын сүтэрэн баран, бааҥҥа тиийэн, каартаны араарарга сайабылыанньа суруйбатах. Оттон сотору буолан баран билбитэ — каартатын счетуттан харчытын сороҕо мэлийбит.

Уорууну арыйыыга суһал-ирдиир тэрээһиннэр кэмигэр оперативниктар уорууга уорбаланааччыны туппуттар — Мииринэй куорат олохтооҕо, 29 саастаах кыыс эбит.

Барыллаан быһаарыынан, уорбаланааччы баан каартатын уулуссаттан булбут уонна туһанарга санаммыт. Сол күн кини каарта дааннайдарын уонна кэннигэр баар үс код сыыппаратын туһанан, интэриниэт-маҕаһыынтан бэйэтигэр таҥас ылыммыт.

Бу чахчынан «уоруу» ыстатыйанан холуобунай дьыала тэриллибитин туһунан СӨ ИДьМ-тын пресс-сулууспата иһитиннэрдэ.

Биһиги корр., «Саха сирэ» хаһыат, edersaas.ru

Хаартыска: интэриниэттэн.

#бүгүн: 1
0
0

Сайт матырыйаалларын ааптар көҥүлэ суох ылар бобуллар.

Мин санаам:

двенадцать + одиннадцать =