Таатта улууһун борокуратуурата биир пенсионер сайабылыанньатынан бэрэбиэркэ ыыппыт. Баан үлэтин туһунан сокуону тутуһуу хайдаҕын.
Ол сайабылыанньатыгар суруйбутунан, кини счетуттан 60 тыһ. солк. харчыта сүппүт, бэйэтэ устубатах.
Борокуратуура бэрэбиэркэтэ быһаарбытынан, Таатта улууһун баанын үлэһитэ расходнай кассовай ордеры уларытан, ити киһи счетуттан 60 тыһ. солк. устан ылбыт. Уонна ол харчытын бэйэтин тус наадатыгар туттубут.
Борокуратуура бэрэбиэркэтин матырыйааллара Таатта полициятыгар ыытыллыбыттар.
Ол түмүгэр, РФ Холуобунай кодексатын 160-с ыст. 3-с чааһынан холуобунай дьыала тэриллибит. Ол эбэтэр, сулууспа балаһыанньатынан туһанан, атын киһи баайын-малын иҥэринии-уоруу бэлиэтэ баарынан.
Бу дьыаланы силиэстийэлээһин улуус борокуратураатын хонтуруолугар сылдьар.
Биһиги корр., «Саха сирэ» хаһыат, edersaas.ru
Хаартыска: интэриниэттэн.