Баартыйа бырайыагар куорат көхтөөхтүк кыттар

Ааптар: 
Бөлөххө киир:

«Биир ньыгыл Россия» политическай баартыйа «Куорат тупсаҕай эйгэтин тэрийии» бырайыагын чэрчитинэн, Дьокуускайга 23 олбуор уонна тоҕус уопсастыбаннай миэстэ тупсарыллан оҥоһуллуоҕа.

Еdersaas.ru

Билигин куорат тупсаҕай эйгэтин тэрийиигэ анаммыт муниципальнай бырайыагынан Дзержинскэй уул. 9 уонна Ленина проспегын 7/2, 11/2 нүөмэрдээх элбэх кыбартыылараах дьиэлэрин олбуордара кэлим оҥоһулла сылдьар. Оробуочай хамыыһыйа чилиэннэрэ, бырайыак кураатардара уонна уопсастыбаннай хонтуруол бэрэстэбиитэллэрэ ыытар үлэни хонтуруолга туталлар, үөскүүр боппуруостары миэстэтигэр тута быһааран иһэллэр.

Бүтүн Россиятааҕы норуот фронун Киин штабын чилиэнэ Светлана Калинина олбуордары саҥардыыга ыытыллар үлэни-хамнаһы көрөн-истэн баран, бырайыак кураатардарын уонна куорат дьаһалтатын уопсастыбаннай хамыыһыйатын үлэтин куһаҕана суоҕунан сыаналаата. «Куорат тупсаҕай эйгэтин тэрийии» национальнай бырайыагы олоххо киллэриигэ Дьокуускай уонна Тюмень куораттар инники кэккэҕэ иһэллэр диэтэ. Элбэх кыбартыыралаах дьиэлэр олохтоохторо тустаах олбуору тупсаран оҥорууга сыһыарыллыбыт дьону (бырайыак кураатардарын, дьаһалта уопсастыбаннай хамыыһыйатын чилиэннэрин) сирэй билэллэрэ көдьүүстээх үлэ туоһутунан буоларын бэлиэтээтэ. Куорат олохтоохторун бэйэ олорор олбуордарын тупсаҕай оҥорууга көхтөөхтүк кыттарга итиэннэ субуотунньуктарынан, наада буоллаҕына, үбүнэн да көмөлөһөргө ыҥырда.

Раиса СИБИРЯКОВА, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0