«Биир ньыгыл Арассыыйа» политическай баартыйа Саха сиринээҕи салаатын Политсэбиэтэ Федерация Сэбиэтигэр Ил Түмэн бэрэстэбиитэлинэн аныырга Александр Акимов кандидатурын өйөөтө. Баартыйа Генсэбиэтэ куоластаатаҕына, Акимов кандидатурата бастаан «Биир ньыгыл Арассыыйа» политическай баартыйа Ил Түмэҥҥэ фракциятыгар, салгыы саҥа парламент сиэссийэтигэр бигэргэтиллиэҕэ.
Ыспыраапка:
Александр Константинович Акимов
Федерация Сэбиэтин федеративнай тутулга, эрэгийиэннээҕи бэлиитикэҕэ, олохтоох салайыныыга уонна Хотугу сир дьыалаларыгар кэмитиэт бэрэссэдээтэлин солбуйааччы. Федерация Сэбиэтигэр Саха Өрөспүүбүлүкэтин бэрэстэбиитэллээх уорганын бэрэстэбиитэлэ (2013 сыл алтынньытыттан).
1954 с. сэтинньи 10 к. төрөөбүтэ. Иркутскайдааҕы норуот хаһаайыстыбатын институтун, ССКП КК иһинэн Уопсастыбаннай наукалар академияларын аспирантуратын бүтэрбитэ. Экономика наукатын дуоктара, профессор. Александр Невскэй, Доҕордоһуу уонна «Бочуот знага» уордьаннар кавалердара.
Раиса Сибирякова, «Саха сирэ», edersaas.ru.