Дьокуускайга Лонгинов уулуссатыгар икки дьиэ умайда

Ааптар: 
Бөлөххө киир:

Бүгүн Дьокуускайга күнүс үс чаас саҕана Лонгинов уулуссатыгар турар үс этээстээх дьиэ уонна уулусса утары турар дьиэ умайдылар. edersaas.ru

Бу буруус мастан тутуллубут, төгүрүк башня курдук дьиэ оройуон бэлиэ сирдэриттэн биирдэстэрэ буолар этэ. Олохтоохтор этэллэринэн, чааһынай киһи отучча сылы быһа туппут, ол эрээри ситэ тутуллубакка иччитэх турбут. Бүгүн куоракка тыаллаах буолан, мас дьиэҕэ уот өрө күлүбүрээн тахсыбыт уонна уулусса уҥуор баар дьиэҕэ көтөн, ол дьиэ умайан барбытын баһаарынайдар умуллардылар. Тула баар дьиэлэр чугас тутуллубут буолан, умайар кутталлара баара. Төгүрүк быһыылаах дьиэ үөһээҥҥи эркиннэрэ умайан, сууллан түһэн, аллара турбут сарай эмиэ умайда. Икки баһаарынай массыына үлэлиир да, уулара бүтэн, башняны уунан ыстарбатахтарын кэриэтэ, ол эрээри уот салгыы барарын тохтоттулар.

Лонгинов уулуссатыгар бу сайын алта баһаар буолла. Оройуон олохтоохторо анаан уматар дьон баар буолбут быһыылаах диэн сабаҕалыыллар.

Ангелина Васильева, edersaas.ru

+1
0
+1
0
+1
0
+1
0
+1
0
+1
0
+1
0