Илиҥҥи байыаннай уокурук холбоһуктаах чааһын байыаннай экологтара Врангель арыытыгар баар «Сомнительная» бухтаны уонна урукку «Звездный» аэродрому тимиртэн ыраастыы сылдьаллар. Үлэ 60%-на бүттэ.
Байыаннайдар саҥа ПП-250 пресстэринэн 370 туонна тимир буочуканы (4,6 тыһ. буочука) пресстээтилэр. Уопсайа 630 туонна тимир бөх хомуллара уонна пресстэнэрэ былааннанар. Үлэҕэ аныгы кырааннары, манипулятордары, самосваллары уонна гусеницалаах тыраахтардары туһаналлар.
Байыаннай чаас айылҕа харыстабылыгар исписэлиистэрэ тимири хомуйар үлэни бэс ыйыгар саҕалаабыттара. Үлэ балаҕан ыйын бүтүүтэ түмүктэниэхтээх диэн Илиҥҥи байыаннай уокурук пресс-сулууспата иһитиннэрдэ.
Николай Попов, «Саха сирэ» хаһыат, edersaas.ru
+1
+1
+1
+1
+1
+1
+1