Балаҕан ыйын 7-8 күннэригэр куорат дьиэлэригэр сылааһы биэриэхтэрэ

Бөлөххө киир:

Энергосбыт Дьокуускайдааҕы салаата Сахабыт сирин киин куората сылааһы биэриигэ төһө бэлэмин көрдөрөр-иһитиннэрэр пресс-тууру суруналыыстарга бүгүн, балаҕан ыйын 4 күнүгэр тэрийэн ыытта.

edersaas.ru 

Дьокуускайдааҕы ТЭЦ дириэктэрэ Вадим Андриевскай: «2018-2019 сс. ититэр сезоҥҥа бэлэмнэнэн, хочуоллары өрөмүөннээн бүтэрдибит. Ититэр ситимнэри оҥоруу үлэтэ түмүктэнэн эрэр. 19 км итии уу турбатын, 5 км тымныы уу турбатын саҥардан биэрдибит. Ону таһынан, турбалары сууйдубут, ыраастаатыбыт. ТЭЦ, ГРЭС, ГРЭС-2 бары күүспүтүн түмэн, бүгүҥҥүттэн саҕалаан, социальнай эбийиэктэргэ: балыыһаларга, уһуйааннарга, оскуолаларга сылааһы биэрэн эрэбит», — диэн билиһиннэрдэ.

Оттон куорат дьиэлэригэр сылааһы балаҕан ыйын 7-8 күннэригэр биэриэхтэрэ. Балаҕан ыйын 15 күнүгэр диэри бары эбийиэктэргэ сылаас киириэхтээх. Дьиҥэр, халлаан +8С биэс күн турдаҕына уонна онтон тымныйдаҕына ититии холбонуохтаах диэн этэллэр сылааһы биэрээччилэр.

Марианна Тыртыкова, «Саха сирэ», edersaas.ru

+1
0
+1
0
+1
0
+1
0
+1
0
+1
0
+1
0