Барыллаан куоластааһыҥҥа ханна быыбардыыргын манна киирэн бил

Ааптар: 
Бөлөххө киир:

Барыллаан куоластааһын pg.er.ru сайтыгар “Бэйэҥ учаастаккын бул” диэн пуунсуйа аһылынна. Онно праймериз ыытыллар хайа баҕарар регионун олохтооҕо киирэн, регистрацияламмыт аадырыһын ыйдаҕына, бэйэтин куоластыыр сирин – счетнай учаастага ханна баарын тута билиэн сөп.

Роман Попов, “Саха сирэ” хаһыат, edersaas.ru


Куоластааһыҥҥа кыттар хандьыдааттар регистрациялара түмүктэннэҕинэ, эмиэ бу аадырыска киирэн праймеризка кыттааччылар испииһэктэрин кытта билсэр, ыам ыйын 28 күнүгэр куолаһын хайа хандьыдаакка биэрэрин быһаарынар кыахтаныа.

“Биир ньыгыл Арассыыйа” баартыйа киин ситэриилээх кэмитиэтин баһылыга Владимир Бурматов иһитиннэрбитинэн, барыллаан куоластааһыҥҥа кыттыан баҕалаахтартан икки тыһыынча кэриҥэ сайабылыанньа киирбит. Ол иһигэр, сокуону оҥорор мунньахтар дьокутааттарыгар – 960, куораттааҕы дуумалар дьокутааттарыгар – 961, административнай кииннэр баһылыктарыгар – 6 уонна биир мандааттаах 112 №-дээх быыбардыыр уокуруктан Судаарыстыбаннай Дуума дьокутаатын быыбарыгар 7 сайабылыанньа киирбит. Хандьыдааттар үс гыммыт иккилэрэ – “Биир ньыгыл Арассыыйа” чилиэннэрэ итиэннэ баартыйа диэки санаалаахтар, үс гыммыт биирдэрэ – баартыйата суохтар. Праймеризка ыччат дьон хото кытталлар – хандьыдааттар 30 бырыһыаннара 35-гэр диэри саастаахтар эбит.

Бу күннэргэ регионнарга дебаттар көхтөөхтүк ыытыллаллар. Муус устар 8 – 17 күннэригэр 189 былаһааккаҕа регистрацияны ааспыт 609 хандьыдаат кыттан бэриллибит тиэмэлэринэн санаатын сайа этиннэ.

Быыбардара балаҕан ыйын 10 күнүгэр ыытыллар регионнарга, муус устар 27 күнүнэн праймериз хандьыдааттарын регистрациялааһын түмүктэнэр.

“Биир ньыгыл Арассыыйа” баартыйа ыытар барыллаан куоластааһына ыам ыйын 28 күнүгэр буолар.

Роман Попов, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0