close
“Бастыҥ иитээччи-2018” – Валентина Заболоцкая
Кыһа - Олох-дьаһах

“Бастыҥ иитээччи-2018” – Валентина Заболоцкая

Иитээччилэр профессиональнай маастарыстыбаларын көрдөрөр “Бастыҥ иитээччи” куонкурус быйыл IX төгүлүн ыытылынна. Өрөспүүбүлүкэ араас муннугуттан, уопсайа, 31 киһи кытынна.

edersaas.ru


Тэрээһини сэргэхситэр итиэннэ чахчы талааннаах иитээччини талар сыалтан куонкурус ис хоһоонугар уларытыылары киллэрэллэр, тупсараллар. Быйыл куонкурус үс түһүмэҕин ситиһиилээхтик ааһан, бастыҥнар ааттаннылар:

«Новатор-педагог» номинация – Иванов Герман Владимирович (Сунтаар улууһа);

«Профессионализм уонна творчество» номинация — Иванова Ольга Михайловна (Нерюнгри куорат);

«Оскуола иннинээҕи үөрэхтээһин эрэлэ» номинация — Заболоцкая Валентина Николаевна (Дьокуускай куорат, Жатай);

«Бастыҥ интернет-ресурс» номинация — Прокопьева Алена Александровна (Дьокуускай куорат);

«Оҕо биһирэбилэ» номинация — Безносова Таисия Лукьяновна (Горнай улууһа).

“СӨ сыл бастыҥ иитээччитэ-2018” куонкурус муҥутуур кыайыылааҕынан Жатайдааҕы “Василек” уһуйаан (“Дьокуускай куорат” уокуруга) иитээччитэ Валентина Заболоцкая ааттанна.

Сыл бастыҥ иитээччитэ

 

СӨ үөрэҕин уонна наукатын миниистирин солбуйааччы Юрий Семенов куонкурус кыттааччыларын эҕэрдэлээн туран, министиэристибэ аатыттан наҕараадалары, бары лауреаттарга уһуйааннарыгар миэбэл ыларга сэртипикээттэри туттартаата. Оттон “Арассыыйа ийэлэрэ” уопсастыбаннай тэрилтэ эрэгийиэннээҕи Сэбиэтин бэрэссэдээтэлэ Прасковья Борисова элбэх оҕолоох иитээччилэргэ өйдөбүнньүк бэлэхтэри уунна.

Людмила ПОПОВА, “Саха сирэ” хаһыат, edersaas.ru

Хаартыскалар: интэриниэттэн

#бүгүн: 1
0
1

Сайт матырыйаалларын ааптар көҥүлэ суох ылар бобуллар.


Notice: Undefined index: comment_notes_before in /var/www/edersaas/wp-includes/comment-template.php on line 2334

двадцать − семь =