close
“Бастыҥ преподаватель” куонкуруска ким бастыай?...
Кыһа - Олох-дьаһах

“Бастыҥ преподаватель” куонкуруска ким бастыай?

Ахсынньы 5-8 күннэригэр Дьокуускайга СӨ профессиональнай үөрэх тэрилтэлэрин уһуйааччыларыгар аналлаах  “Бастыҥ преподаватель-2017” өрөспүүбүлүкэтээҕи куонкурус түмүктүүр түһүмэҕэ ыытылла турар. Куонкурус икки түһүмэҕинэн барар.

edersaas.ru

Бастакы, кэтэхтэн ааспыт түһүмэххэ 30 үөрэх тэрилтэтиттэн 44 преподаватель кыттыбыта. Ол курдук, кинилэр “Якутия. Профессиональное образование 2030” диэн тиэмэҕэ эссе суруйбуттара итиэннэ “Учись работать в Якутии” диэн видеоролик  оҥорон билиһиннэрбиттэрэ.

Пресс-кэмпириэнсийэ кыттыылаахтара

Бэҕэһээ куонкуруска кытта кэлбит преподавателлэр суруналыыстары кытта көрүстүлэр. Кыттааччылар куонкурус үрдүк таһымнаахтык ааһан эрэрин бэлиэтииллэр. Саамай уустук аһаҕас уруок буоларын ыйаллар. Лиэксийэлэр 45-тии мүнүүтэ барар эбит буоллахтарына, куонкуруска баара-суоҕа 30 мүнүүтэ бэриллэрэ кылгас диэн этэллэр.

Чурапчытааҕы кэллиэс “”Тутуу” анал дьиссипилиинэ преподавателэ Алексей Бурцев:

Чурапчытааҕы кэллиэс преподавателэ Алексей Бурцев

— М.К.Аммосов аатынан Хотугулуу-Илиҥҥи федеральнай университет инженернэй-техническэй бакылтыат, “Маһы таҥастыыр технолог” идэтигэр үөрэммитим. Үөрэхпин бүтэрээт, тута Чурапчытааҕы кэллиэскэ киирбитим, үлэлээбитим алтыс сыла. Биһиги кэллиэспит биэс исписээлинэскэ үөрэтэр.  Кэтэхтэн үөрэнээччилэри ааҕан туран, уопсайа, 400-чэкэ устудьуон үөрэнэр. Быйылгыттан 9-с кылаас кэнниттэн оҕолору үөрэххэ ылан эрэбит.  

Куонкуруска маҥнайгыбын кыттабын. Тэрийээччилэр олус улахан үлэни ыыппыттар. Бырагыраамматыттан саҕалаан, барыта аттарыллан оҥоһуллубут. Махталбын тиэрдэбин. Саҥа саҕалаан эрэр преподавателлэр уопут атастаһалларыгар үчүгэй куонкурус эбит. Тус бэйэм атын кыттааччылар уруоктарыгар сылдьан, элбэх саҥаны биллим-көрдүм. Холобура, устудьуоннары кытта хайдах сөптөөх ньыманы булан кэпсэтэргэ уонна сүрүн технологияларын көрдүбүт. Кэтэхтэн түһүмэҕи ааһан, финалга киириим миэхэ улахан кыайыы буолар. Бэйэм кыахпынан кытта сылдьабын. Үгүстэрэ уопуттаах преподавателлэр эбит. Барыларыгар ситиһиини баҕарабын – диэн санаатын үллэһиннэ.

Куонкуруска киирбит матырыйааллары көрүү түмүгэр, 15 преподаватель иккис быһаарыылаах түһүмэххэ хаалбыта. Кинилэр бэйэлэрин дьиссипилиинэлэринэн аһаҕас уруоктары ыыталлар, баар кыһалҕалартан тахсар суоллары тобулар, хамаанданан таһаарыылаахтык үлэлиир үөрэх бырайыагын оҥороллор итиэннэ профессиональнай үөрэх соруктарын миниистири кытта ырытыһаллар. Ити курдук, олус судургута суох тургутуулары ааһаллар. Түмүк ахсынньы 8 күнүгэр биллиэҕэ.

Людмила ПОПОВА, “Саха сирэ” хаһыат, edersaas.ru

 

2
0

Сайт матырыйаалларын ааптар көҥүлэ суох ылар бобуллар.


Notice: Undefined index: comment_notes_before in /var/www/edersaas/wp-includes/comment-template.php on line 2334

18 + 4 =

INSTAGRAM ЛИЭНТЭТЭ

Instagram батыһан бар