Мантан ыла WhatsApp килийиэннэрин суруйсууларын анал сулууспаларга арыйан биэрэр буолуоҕа. Ол аата, билиҥҥи курдук курдары шифровкалааһын суох буолуо. Онон туох баар суруйсуулары, хаартыскалары, видеолары агеннар көрөн олоруохтара.
“Батсаабы” айааччылар маннык миэрэни Facebook хампаанньа ирдэбилинэн ылынарга күһэлиннилэр. Биллэрин курдук, аҕыйах сыллааҕыта “батсаабы” Facebook атыылаһан ылбыта.
Оттон “фейсбуктары” Эмиэрикэ (АХШ) уорганнара күһэйэллэр. Хампаанньаны төрүттээбит Марк Цукерберг этэринэн, 2019 сылтан “батсаап” сыһыарыы саҥа көрүҥэ тахсыаҕа. Бу сыһыарыы курдары шифровката адьас мөлтөх буолуохтаах. Маннык гынан, террористары уонна араас куһаҕаны тарҕатар, кутталы үөскэтэр, уйулҕаларынан ыалдьар дьону тутар үһүлэр.
Ону тэҥэ, Марк Цукерберг этэринэн, сотору кэминэн “батсаапка” реклама баар буолуоҕа, тоҕо диэтэр, мөлүйүөнүнэн дьон туһанар сыһыарыытыттан барыс ылар соруктаахтар.
Ангелина ВАСИЛЬЕВА, “Саха сирэ” хаһыат, edersaas.ru
+1
+1
+1
+1
+1
+1
+1