Орто Халымаҕа Березовка өрүс уутун таһыма үрдээн, ыам ыйын 21 күнүн сарсыарда 8 чаастааҕы туругунан, уу таһыма 1063 см тиийдэ. Хотугу өрүстэр уһуктан, сыыйа муустан босхолонон эрэллэр.
Анивера Акимова, «Саха сирэ» хаһыат,https://edersaas.ru
Бу хайысханан кутталлаах таһым 1000 см. Өрүс халааннаан Березовка нэһилиэгэр 34 дьиэ тиэргэнэ ууга барда. 56 киһи эвакуацияланна, ол иһигэр 30 оҕо. 12 чаастааҕы туругунан (Халыма бириэмэтинэн) уу таһыма
1069 см тиийдэ. Бу туһунан Уу ресурсаларын федеральнай агентствотын Өлүөнэ сүнньүнээҕи ууга управлениета иһитиннэрдэ.
Халыма өрүс уста турар. Среднеколымскай куорат аннынан уу таһыма 96 см үрдээн, билигин 1076 см тэҥнэстэ. Халыма улуустарыгар бу кыһын нуорматтан элбэх хаар түһэн, өрүстэр уулара эбиллибитин этэллэр.
Оттон Өлүөнэ көмүөлэ Сангаарга тиийдэ. Муус хойуутук уста турар. Нам Арбыныгар быhыт (дамба) тоҕо барда. Билиҥҥи туругунан биир да дьиэ, тиэргэн ууга бара илик.
Видеоҕа: Зырянка. СӨ айылҕа харыстабылын миниистирэ Сахамин Афанасьев видеота.
Анивера Акимова, «Саха сирэ» хаһыат,https://edersaas.ru