Березовкаҕа бородуукта тиэртилэр

Бөлөххө киир:

Саха сирин быыһааччыларын сулууспата Орто Халыма улууһун Березовкатын олохтоохторугар наадалаах таһаҕаһы бөртөлүөтүнэн тиэртилэр. Бүгүн Хабаровскайдааҕы авиационнай-быыһыыр киин “Ми-8” бөртөлүөтэ 2 туоннаттан тахса бородууктаны, иһэр ууну, эми-тому, балааккалары, оһохтору, хомуллар ороннору илтэ.

Александр ТАРАСОВ, «Саха сирэ» хаһыат, https://edersaas.ru
Билигин Россия Ыксаллаах быһыыга-майгыга министиэристибэтин Саха сиринээҕи управлениетын суһал бөлөҕө Березовка олохтоохторугар, туох кыалларынан, көмөлөһө сылдьар. Олохтоохтор малларын-салларын ууттан өрө тардаллар, ыраас иһэр ууну түҥэтэллэр. Медиктэр олохтоохтор доруобуйаларын туругун бэрэбиэркэлииллэр. Итини тэҥэ, Орто Халыма улууһун дьаһалтатын хамыыһыйата халаан уутуттан төһө хоромньу тахсыбытын ааҕар, быһаарар.
Орто Халыма улууһугар халаан туруга тустаах тэрилтэ үлэһиттэринэн кытаанах хонтуруолга сылдьар. Сөмөлүөтүнэн көтүүлэри оҥорон, уу таһымын тиһигин быспакка көрө-истэ олоробут. Нэһилиэнньэҕэ сөптөөх көмө оҥоһуллар”, — диэн Россия Ыксаллаах быһыыга-майгыга министиэристибэтин Саха сиринээҕи управлениетын начаалынньыгын э.б. к. толорооччу Павел Гарин кэпсээтэ.

***
Орто Халыма улууһугар Дьокуускайтан быыһааччылар бөлөхтөрө көмөҕө тиийдэ. Хабаровскайтан анал бөлөх Дьокуускайга кэллэ. Орто Халымаҕа балаһыанньа уустугурдаҕына, көмөҕө көтөргө бэлэмнэр.

+1
0
+1
0
+1
0
+1
0
+1
0
+1
0
+1
0