Орто Халыма улууһун Березовкатыгар саҥа дизельнэй электростанция үлэҕэ киирэн, сэлиэнньэ олохтоохторун уотунан хааччыйан олорор.
Бүгүҥҥү туругунан, дизель уматыгын уурар ыскылааты тутуу түмүктэннэ. Чаҕылҕаны аһарар тэрили таҥыы үлэтэ бара турар. Электричествоны биэрэр 400 миэтэрэ усталаах, 0,4 кВ-аах салгын ситимэ тутулунна. Тутуу барыта 2019 сылга түмүктэниэҕэ. Кэлэр сыл бастакы кыбаарталыгар хаалбыт кыра үлэлэр ситэриллиэхтэрэ. Бу ДЭС кииннээн салайар, бэйэтэ үлэлиир буолуоҕа. Тутууну “Сахаэнерго” АУо, Березовканы уу ылбат сиригэр көһөрүү бырагырааматын чэрчитинэн, ыытар. Бу туһунан ОДьКХ уонна энергетика министиэристибэтэ иһитиннэрдэ.
Евдокия СЛЕПЦОВА, “Саха сирэ” хаһыат, edersaas.ru
+1
+1
+1
+1
+1
+1
+1