Орто Халыма улууһун биир кэлим диспетчерскэй сулууспатын начаалынньыга М.Е. Васильев иһитиннэрбитинэн, ыам ыйын 22 күнүн сарсыарда 11 чаастааҕы туругунан (олохтоох бириэмэнэн), Березовка өрүс уутун таһыма 3 см эбиллэн, 1110 см тиийдэ.
Анивера АКИМОВА, «Саха сирэ» хаһыат, edersaas.ru
Уу нуорматтан үрдээн, Березовка нэһилиэгэр 34 олорор дьиэ ууга барда. Бүгүҥҥү туругунан нэһилиэккэ 300-кэ киһи олорор. 184 киһи, ол иһигэр 59 оҕо эвакуацияланна. 66 киһи быстах кэмҥэ олорор анал пууҥҥа, сорохтор аймахтарыгар, билэр дьонноругар көстүлэр. Онон ыам ыйын 21 күнүттэн нэһилиэккэ ыксаллаах быһыы-майгы эрэсиимэ биллэрилиннэ.
Оттон Среднеколымскай аннынан уу таһыма 992 см тэҥнэстэ. Бу хайысханан кутталлаах таһым – 1200 см.
Анивера АКИМОВА, «Саха сирэ» хаһыат, edersaas.ru