Бэтэринээрдэр биир нэдиэлэҕэ ииримтийиини утары 1747 быһыы оҥордулар

Бөлөххө киир:

Дьокуускай куораттааҕы бэтэринээрийэ управлениетын исписэлиистэрэ кулун тутар 31 күнүттэн муус устар 7 күнүгэр диэри акция биллэрэннэр, ыттарга уонна куоскаларга ииримтийии ыарыыны сэрэтэр быһыы оҥордулар. Акция саҕана уокуруктар дьаһалталара дьиэ-уот булан биэрбиттэригэр быстах кэмҥэ 30 пуун үлэлээтэ.


Ити күннэргэ киин куорат бэтэринээрдэрэ барыта 1177 дьиэ кыылыгар, ол иһигэр 674 ыкка уонна 503 куоскаҕа, быһыы биэрдилэр. Уокуруктарынан ыллахха, Сайсарыга 270, Автодорожнайга 190, Строительнайга 179, Гагариҥҥа 165, Кииҥҥэ 91, Өктөөбүрүскэйгэ 86, Промышленнайга 84, Пригороднайга 60, Губиҥҥа 52 дьиэ кыыллара быһыы ыллылар. Көстөрүн курдук, сайсарылар бастаатылар. Иккис – автодорожнайдар, үһүс – строительнайдар.

Акция кэмигэр маны тэҥэ куорат кытыытыгар сытар подразделениеларга үлэ ыытылынна. Бэтэринээрийэ Мархатааҕы учаастагар 148, Хатаска 64, Табаҕаҕа 63, Жатайга 77, Маҕаҥҥа 81, Тулагыга 65, Киллэмҥэ 6, чохтоох Хаҥаласка 66 кыылга быһыы оҥордулар. Онон ииримтийии ыарыыны утары акция күннэригэр холбоон барыта 1747 дьиэ кыыла, ол иһигэр 1055 ыт, 692 куоска, хабылынна. Дьокуускай куорат сиригэр-уотугар баар бэтэринээрийэ пууннарыгар ииримтийиини сэрэтэр быһыыны биэрии мэлдьи ыытылларын уонна босхо оҥоһулларын иһитиннэрэбит.

Василий НИКИФОРОВ, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0