«Бичик» кинигэлэрэ аатырдылар

Ааптар: 
Бөлөххө киир:

«Бичик» кинигэ кыһата регионнар икки ардыларынааҕы «Бэчээт тиэргэнэ – 2017» X быыстапка-дьаарбаҥка кэнниттэн саҥа ситиһиилэринэн ааҕааччыларын үөрдэр.

edersaas.ru

Ол курдук, Новосибирскай куоракка балаҕан ыйын 15-17 күннэригэр “Книжная Сибирь” бэстибээл ыытылынна. Бэстибээлгэ регионнар икки ардыларыгар аан маҥнайгытын «Книга года: Сибирь–Евразия – 2017» аһаҕас куонкурус буолла. Куонкуруска Россия уонна Евразия регионнарыттан барыта 30-н тахса кинигэ кыһата кытынна. Новосибирскай, Кемерово, Новокузнецкай, Барнаул, Омскай, Тобольскай, Ишим, Томскай, Норильскай, Магадан, Москва,  Астана уонна Дьокуускай куораттартан аҕалбыт кинигэлэрин сэргээтилэр.
Куонкурус түмүгэр «Бичик» кинигэ кыһатын хас да кинигэтэ кыайыылааҕынан таҕыста. Ол курдук, «Искусство эйгэтигэр бастыҥ кинигэ, хаартыскалаах таһаарыы» анал аакка «Саха театра сылтан сыл» кинигэ лауреат үрдүк аатын, «Великолепие ювелирных украшений Якутии» альбом, «Оҕо аймахха бастыҥ кинигэ» анал аакка «Животные Якутии» энциклопедия, «Любимые сказки народов России» кинигэ, «Бастыҥ кыраайы үөрэтэр кинигэ» анал аакка И.А. Худяков «Краткое описание Верхоянского округа», «Ысыах в благословенной долине Туймаада» кинигэлэр дипломант аатын ыллылар.
Уонна интэриниэт–куоластааһын түмүгүнэн 2600 куоластаах «Образование в Амгинском улусе: история и современность» кинигэ кыайыылааҕынан таҕыста. Ону таһынан «Евразия култуураларын хардарыта алтыһыыларыгар кылааты киллэрэр уонна сайыннарар бастыҥ таһаарыы» анал аакка «Маадай Хара» – алтаай баатырдыы эпоһа, «Многоликая земля Олонхо» кинигэлэр дипломаннарынан буоллулар.
Быйыл балаҕан ыйын 26-28 күннэригэр Владивосток куоракка Уһук Илиҥҥи «Бэчээт тиэргэнэ» регионнар икки ардыларынааҕы быыстапка-дьаарбаҥка бэрт сэргэхтих ааста. Уһук Илиҥҥи уонна Азия-Чуумпу акыйаан регионнарыттан 50-тэн тахса кинигэ кыһата бэйэтин үлэтин көрдөрдө.
«Сыл бастыҥ кинигэтэ» куонкуруска «Бичик» кинигэлэрэ элбэх наҕараадаҕа тигистилэр. Ол иһигэр бэчээт эйгэтигэр улахан суолталаах «Матвеевтар ааттарынан бириэмийэҕэ»׃ «Бастыҥ издательство бырайыага» анал ааты «Животные Якутии» энциклопедия (ааптардар Андросова Н.П., Попова А.Д.) уонна «Кыраайы үөрэтэр кинигэ бастыҥ ойуулуур худуоһунньуга» анал ааты «Ысыах в благословенной долине Туймаада» кинигэҕэ, дизайнер – Васильева Сахая Климентьевна ылла.
5-9 кылаастарга аналлаах саха тылыгар үөрэх босуобуйалара кыһыл көмүс мэтээлинэн, «Великолепие ювелирных украшений Якутии» (ааптардар Саввинов А.И., Степанова М.П.) альбом-кинигэ уонна Ч.Айтматов «Илгэлээх ардах» кинигэтэ үрүҥ көмүс, И.В. Мигалкин «Алыптаах дойдуга» остуоруйалардаах кинигэтэ боруонса мэтээллэринэн бэлиэтэннилэр. Ону таһынан «Бичик» кинигэ кыһата «Россия Уһук –Илиҥҥи регионун кинигэ таһаарыытын лиидэрэ» анал бэлиэ хаһаайынынан буолла.
Соторутааҕыта Рязань куоракка ыытыллыбыт «Ааҕар эйгэ» национальнай кинигэ бэстибээлигэр «Бичик» кыһа кэтэхтэн кытынна. Манна 52 кинигэ кыһатыттан 152 кинигэ куонкуруска дьүүлгэ турда. Манна даҕаны биһиги кинигэлэрбитин дьүүллүүр сүбэ үрдүктүк сыаналаата. «Великолепие ювелирных украшений Якутии» кинигэбит «Бастыҥ уус-уран-полиграфическай быһаарыы» анал аат кыайыылааҕынан, «Ысыах в благословенной долине Туймаада», «Ыһыах – Айыылардыын алтыһар кэм», «Ытык Бүлүү олоҥхото» таһаарыылар лауреаттарынан буоллулар. «Животные Якутии» кинигэ Арассыыйаҕа экология сылыгар анаммыт анал аакка тигистэ.
Наҕараадалар уонна кинигэлэр тустарынан сиһилии https://bichik.ru сайтка ааҕыҥ.

edersaas.ru

+1
0
+1
0
+1
0
+1
0
+1
0
+1
0
+1
0