Элбэх дьиктини, алыптаах түгэни, инникигэ ыра санаалары саҕар саҥа 2019 сылбыт үүнэрэ чугаһаата. «Бичик» кинигэ кыһата соһуччу бэлэхтээх тэрээһиннэрэ саҕаланнылар.
Ахсынньы 3 күнүттэн тохсунньу 14 күнүгэр диэри ыытыллар улахан акцияҕа кыттарга тиэтэйиҥ! Манна кинигэ кыһатын эҥинэ бэйэлээх эриэккэс кинигэлэрин, оҕо аймахха анаммыт бэлэхтэрин, дьикти оонньуурдары, сувенирдары о.д.а табаары 2019 солкуобайтан итэҕэһэ суох суумаҕа атыыласпыттар, Айфон сүүйэн ылыахтарын сөп. Ону таһынан, саха быһаҕын, «Уран Саха», «Уус Экспо» фирмалар кыһыл, үрүҥ көмүстэн кутуллубут кэрэ киэргэллэрин, сиэдэрэй симэхтэрин, мааны иһити-хомуоһу, хаһаайыстыбаҕа туттуллар малы-салы, о.д.а бэлэх быһыытынан тутуохха сөп.
«Бичик» бары маҕаһыыннарыттан 2019 солк. тахса сыаналааҕы атыыласпыкка, анал купон түҥэтиллэр. Атыылаһааччы ити купоҥҥа толору аатын-суолун, төлөпүөнүн нүөмэрин суруйан “Бичик” маҕаһыыннарыгар (Курашов уул., 24-гэр Профсоюз дьиэтигэр уонна Бэчээт Дьиэтигэр баар киоскаҕа) хаалларар. 2019 сыл тохсунньу 14 күнүгэр бастыҥ бэлэхтэри илиилэригэр бааттаахтар, тарбахтарыгар талааннаахтар ылыахтара.
Кэлиҥ, кыттыҥ, эгэлгэ бирииһи сүүйүҥ!
“Бичик” бэлэхтэрэ үөрүүнү үксэтэллэр, санааны кынаттыыллар!
«Бичик» оҕолорго анаан икки араас көрүҥнээх бэртээхэй бэлэҕи атыыга таһаарда. Манна минньигэс сакалаат эгэлгэтэ, оҕо бэйэтэ ойуулуур-дьүһүннүүр аккырыыккалара, харысхал бэлиэтэ бааллар. Онтон атын бэлэххэ минньигэһи таһынан бэртээхэй кинигэлэр, харысхал угулла сылдьаллар. Бэлэхтэри атыыласпыттар ким да маппат, бука бары сүүйэр улахан оонньууга кытталлар. Куукулаларга анаммыт дьоҕус, оҕо бэйэтэ да иһигэр киириэн сөптөөх, кырааскалаан өҥнүүр-дьүһүннүүр улахан дьиэлэрэ, ЛОЛ куукулалар, хордуоҥкаттан оҥоһуллубут хомуллар каминнар, интерактивнай бэстилиэттэр, «Оонис” диэн аатынан биллэр дьикти конструктор арааһа, о.д.а бириискэ бааллар.
Тиэтэйиҥ, Саҥа дьылга хас эмэ бүк элбэх бэлэҕи ылан үөрүҥ-көтүҥ!
