Биир дойдулаахпыт Варвара Устиноваҕа Владимир Путин «Үлэ Дьоруойа» мэтээли туттарда

Бөлөххө киир:

Бүгүн Арассыыйа бэрэсидьиэнэ Владимир Путин Кириэмилгэ Москва РФ “Үлэ Дьоруойа” мэтээлин “Севмаш” слесарь-монтажнига Алексей Ивановка, Краснодардааҕы балыыһа кылаабынай бырааһа Владимир Порхановка, Саха сирин Хаҥалас улууһун леснигэ Варвара Устиноваҕа, “Современник” тыйаатыр худруга Галина Волчекка уонна Татарстан экс-баһылыга Минтимер Шаймиевка туттарда.

Александр ТАРАСОВ, «Саха сирэ» хаһыат, https://edersaas.ru

Үтүө күнүнэн, күндү доҕоттор! Бүгүҥҥү “Үлэ Дьоруойа” кыһыл көмүс мэтээли туттарар үөрүүлээх түгэҥҥэ кытта кэлбит ыалдьыттары уонна бу бочуоттаах үрдүк аакка түһэриллибиттэри ис сүрэхпиттэн эҕэрдэлиибин! Арассыыйа талааннаах, үлэһит дьонунан өрүү баай. Варвара Михайловна Устинова айылҕабыт чөл туруктаах буоларыгар үтүөтэ, кылаата сүҥкэн улахан”, — диэн Владимир Путин  эҕэрдэ тылыгар эттэ.

Түгэнинэн туһанан, биир дойдулаахпытын Варвара Михайловнаны ис сүрэхпититтэн эҕэрдэлиэҕиҥ!!!


Ыспыраапка: 

Варвара Михайловна Устинова 1959 сыллаахха от ыйын 23 күнүгэр Алдан улууһун Канку бөһүөлэгэр төрөөбүтэ. 1984 сыллаахха Сибиирдээҕи технологическэй институту үөрэнэн бүтэрбитэ. Варвара Михайловна үлэтин 1979 сыллаахха Орто Халыматааҕы лесничествоҕа техник-лесоводунан саҕалаабыта. 38 сыл устата техник-лесоводунан, кылаабынай леснигинэн, лесхоз дириэктэринэн, ойуур тэрилтэтин дириэктэринэн үлэлээтэ. Хаҥалас улууһугар 1985 сылтан үлэлиир.

+1
0
+1
0
+1
0
+1
0
+1
0
+1
0
+1
0