Бэс ыйын 22 күнүгэр диэри “Биир ньыгыл Россия” баартыйа Дьокуускай куорат баһылыгын быыбарыгар кыттыан баҕалаах кандидаттартан докумуоннары хомуйбута. От ыйын 8 күнүгэр кандидаттар баартыйа барыллаан куоластааһыныгар кыттыахтара.
Ол курдук, бэс ыйын 15-22 күннэригэр үс киһи докумуонун биэрбитэ. Дьокуускай куорат Дууматын бэрэссэдээтэлэ, “Биир ньыгыл Россия” Саха сиринээҕи салаатын сэкирэтээрэ, олохтоох салайыныы бүтүн Россиятааҕы сэбиэтин Саха сиринээҕи сэбиэтин салайааччыта, муниципальнай тэриллиилэр дьокутааттарын ассоциациятын салайааччыта Александр Саввинов, Дьокуускай куорат производственнай, ас үөл хампаанньатын генеральнай дириэктэрэ, “Биир ньыгыл Россия” политическэй эсбиэтин чилиэнэ Андрей Петров уонна Саха сиринээҕи коммунальнай, тутуу техникумун преподавателэ Евгений Ладиков кыттыахтара.
Санатан эттэххэ, Дьокуускай куорат баһылыгын талыы балаҕан ыйын 9 күнүгэр Быыбар күнүгэр ыытыллыаҕа. Ити Дьокуускай куорат Дууматын бэс ыйын 18 күнүнээҕи мунньаҕынан быһаарыллыбыта. Онон Дьокуускай олохтоохторо бу күн Ил Дарханы, киин куорат баһылыгын, Ил Түмэн уонна куорат дууматын дьокутааттарын талыахтара.
Аграфена КУЗЬМИНА, “Саха сирэ” хаһыат.