Артыыс Марат Башаров Саха сиригэр бултаата

Бөлөххө киир:

Тыа сиригэр, айаҥҥа-суолга, айылҕаҕа сылдьарын сөбүлүүр киһиэхэ, халлааммыт туран биэрэн, чахчы да үчүгэй күннэр буоллулар…  Булчуттарга эгэ эрэ. Урут баччаларга, куобахчыттар  ардыгар маҥнайгы хаары бүрүммүтүнэн кэлэллэрэ.  

Быйылгы күһүҥҥү булт сезона алтынньы 1 күнүттэн саҕаланан, лицензиялаах сонордьуттар, сэрэйдэххэ, тайҕаҕа сырыттахтара. Атын эрэгийиэннэртэн, киин сирдэртэн дьон  бултуу-алтыы кэлэллэрин эмиэ истэбит. Онон, бу күннэргэ Арассыыйа биир биллэр-көстөр артыыһа, ТНТ-га “Битва экстрасенсов” биэриини ыытааччы, киинэҕэ уонна тыйаатырга үгүс оруоллардаах Марат Башаров, киинэҕэ уһулларын быыһыгар, Саха сиригэр кэлэн бултаабыт диэн  интернет-сонуннарга туолла.

Марат Алимжанович Хаҥалас улууһугар кустаабыт. Ол туһунан «Норд Стрим» хампаанньа салайааччыта, Саха сиригэр туурдары тэрийээччи Михаил Местников инстаграмҥа таһаарбыт.

Саха булчуттара бу туһунан туох санаалаахтара буолуой?

Валенсия Москвитина, Кыымаанбулчут кулуубун чилиэнэ:

— Алтынньы Саха сирин сорсуннаах булчуттарыгар саамай күүтүүлээх ый буолар. Хара тыаны кэрийэргэ, сонор суолун тобуларга тайахсыттарга күннээх, сылаас,  тыала суох бэрт күннэр туран биэрдилэр.  Лицензиялаахтарга уу көтөрө, кус атырдьах ыйын 19 күнүттэн, тайах, кулааһай алтынньы 1 күнүттэн  көҥүллэммитэ. Булт болдьоҕо түмүктэнэрэ улуустарынан араас-араас. Мин билигин үлэбэр сылдьабын, онон, Марат Башаров кэлбитин истибэтэҕим. Артыыс быһыытынан айар үлэтин сэҥээрэбин. Биллиилээх артыыс буоллаҕа. Саха сиригэр кэлэн бултаан, айылҕатын сэҥээрэн барбыта үчүгэй.

Ыспыраапка

 Башаров Марат Алимжанович

1974 сыллаахха атырдьах ыйын 22 күнүгэр Москваҕа төрөөбүтэ.

Тыйаатыр уонна киинэ актера, телевизионнай биэриилэри ыытааччы, Татарстан Өрөспүүбүлүкэтин үтүөлээх артыыһа, Российскай Федерация Судаарыстыбаннай бириэмийэтин лауреата.

“Утомленные солнцем”,“Сибирский цирюльник”, “Батальон”, “Ворошиловский стрелок”, “Герой”,“Второе дыхание”, “Служебный роман: Наше время”, “Назад в СССР”, “Граница. Таежный роман”, “Красавчик”,  “Новогодний рейс”,“На крючке”, “Доброе имя”,  “История летчика”, “Движение вверх”, “Индус”, о.д.а. киинэлэргэ, телесериалларга үгүс оруоллары оонньуур.

Татьяна Маркова, edersaas.ru

+1
0
+1
0
+1
0
+1
0
+1
0
+1
0
+1
0