Боксаҕа чемпионат икки нокауттан саҕаланна

Ааптар: 
Бөлөххө киир:

Бүгүн Арассыыйа боксаҕа чемпионата саҕаланна. Эбиэт иннинэ икки киирсии нокаутунан түмүктэннэ.  Рингэҕэ бастакынан 81 кг., 91 кг. уонна 91 кг. үөһэ ыйааһыннаахтар кииристилэр. Бары ыйааһыннара ыарахан буолан, охсоллоро күүстээх, онон нокаут буолара да сөп.


Бастакынан 81 г. былырыыҥҥы чемпион Раджаб Раджапов (Москва  уобалаһа) нокаутунан Савелий Садомаҕа (Хабаровскай кыраай) кыайтарда. Саха сириттэн маҥнайгынан Алексей Шахов Чечняттан Шамиль Мансуровтыын кииристэ. Манна тэҥ соҕус киирсии кэнниттэн, чечен кыайда. Ол кэннэ Нерюнгриттан сылдьар Вадим Лихман Магомед Арсланбековы кытта кииристэ. Лихман очукуотунан кыайан иһэн, утары уҥа охсууну аһардан, сууллан түстэ. Канаттан тардыһан турбутун кэннэ, судьуйа киирсиини тохтотто.

Чемпионат арыллыытын кэннэ Саха сирин хамаандатын лидерэ Василий Егоров (49 кг.) москвич Виктор Кулдошины утары тахсыаҕа. Арыый хойутуу Роман Обутов (Саха сирэ, 75 кг.) Вениамин Пряхинныын (Москва уобалаһа) киирсиэҕэ.

Николай Попов, «Саха сирэ»,  edersaas.ru

+1
0
+1
0
+1
0
+1
0
+1
0
+1
0
+1
0