Боломуочунай Ефимовы бэрэссэдээтэлинэн таллылар

Ааптар: 
Бөлөххө киир:

Бэҕэһээ Быыбар киин хамыыһыйата (БКХ) 2017 — 2022 сылларга  үлэлиэхтээх саҥа састаабын бастакы тэрээһин мунньаҕа буолла. 

edersaas.ru


СӨ Быыбар киин хамыыһыйатын саҥа састааба таҥылынна, — диэтэ Федор Борисов, Ил Дархан уонна Бырабыыталыстыба дьаһалтатын салайааччы мунньаҕы саҕалыырыгар. Быыбар киин  хамыыһыйатыгар бары бөдөҥ политическай баартыйалар бэрэстэбиитэллэрэ киллэриллибиттэрэ буолаары турар быыбардар сиэрдээхтик уонна чиэһинэйдик ыытыллалларын мэктиэ­лиир. Биһигини иннибитигэр улахан, эппиэттээх үлэ күүтэр.

Россия  Киин быыбардыыр хамыыһыйатын чилиэнэ Сергей Сироткин бэйэтин этиитигэр 2013-2017 сылларга Анатолий Кривошапкин салалтатынан үлэлээбит Быыбар киин хамыыһыйатын үлэтин-хамнаһын  үрдүктүк сыаналаата. Федеральнай уонна өрөспүүбүлүкэ­тээҕи сокуоннары ырытан оҥорууга, быыбардары тэрийэн ыытыыга уонна быыбардааччылары кытары үлэҕэ элбэҕи оҥордугут, итинэн ытык иэскитин дьоһуннук төлөөтүгүт  диэтэ.

Ил Түмэн вице-спикерэ Ольга Балабкина болҕомтону сокуоннар уларыйа-тэлэрийэ туралларынан, быыбар киин хамыыһыйатын үлэтэ олус уустугар уонна эппиэтинэстээҕэр ту­һаайда. Саха Өрөспүүбүлүкэтин Быыбар киин хамыыһыйатын эрдэтээҥҥи састаабын таһаарыылаах үлэтэ саҥа састаапка бөҕө тирэх буолуоҕун бэлиэтээтэ.

Куоластааһын түмүгүнэн өрөспүүбүлүкэ Киин быыбардыыр хамыыһыйатын бэрэссэдээтэлинэн бу иннинэ киһи быраабын боломуочунайынан үлэлээбит Алексей Ефимов, кини солбуйааччыларынан бу иннинэ “Саха” НКИХ генеральнай дириэктэрэ Иван Андросов итиэннэ Быыбар киин хамыыһыйатын эрдэтээҥҥи састаабыгар эмиэ солбуйааччы бэрэссэдээтэлинэн үлэлээбит уопуттаах Александр Власов, Ирина Конакова талылыннылар.

Итэҕэлгит иһин махтанабын, — диэтэ Алексей Михайлович харда тылыгар. Россия уонна Саха сирин сайдыыларын туһугар сокуонунан эрэ салайтаран үлэлиэхпит.

Раиса СИБИРЯКОВА, «Саха сирэ» хаһыат, edersaas.ru 

+1
0
+1
0
+1
0
+1
0
+1
0
+1
0
+1
0