Renegade Pictures киинэ хампаанньатын бэрэстэбиитэллэрэ саҥа бырайыактарынан СӨ тас сибээскэ уонна норуоттар дьыалаларыгар миниистир э.т. Г.В. Кириллины кытары көрүстүлэр. Бу туһунан тустаах министиэристибэ пресс-сулууспата иһитиннэрдэ.
Көрсүһүүгэ киинэ устар бөлөх бэрэстэбиитэллэрэ Гай Пью уонна Андрей Ерастов кыттыыны ыллылар. Хампаанньа научнай-популярнай киинэлэри устууга идэтийэн үлэлэһэр. Киинэлэрэ аан дойду саамай биллэр-көстөр ханаалларыгар көрдөрүллэллэр уонна улахан билиниини, махталы, наҕараадалары ылаллар.
Даҕатан эттэххэ, бу хампаанньа 2014 сыллаахха манна «Woolly Mammoth: The Autopsy» киинэни устубута. Ол үлэтигэр сэдэхтик көстөр сэлиилэр, СӨ наукаларын Академиятын ыытар научнай үлэлэрин туһунан киһи эрэ сэҥээрэн, сэргээн истиэх кэпсэнэр.
Онтон бу саҥа устар «Big Ice Age (Большой ледниковый период)» үлэлэрин Дискавери уонна Сhannel 4 (Великобритания) ханаалларга көрдөрөр былааннаахтар. Онно өрөспүүбүлүкэҕэ палеонтологическай булумньулар тустарынан билиһиннэрэр баҕалаахтар. Бэлиэтээн эппиттэринэн, икки сиэрийэлээх телевизионнай бырайыакка араас дойдуттан эспиэрдэр кытталлар. Билиини-көрүүнү биэрэр киэҥ, дириҥ хабааннаах үлэлэрин атырдьах ыйын ортотуттан Абыйынан, Аллараа Халыманан саҕалыахтаахтар.
+1
+1
+1
+1
+1
+1
+1