Борокуратуура тулаайах кыыс дьиэлэнэрин ситистэ

Ааптар: 
Бөлөххө киир:

Бэйэтин быраабын көмүскэнэргэ дьулуһар эдэр дьон баара бэрт. Онуоха быраабы араҥаччылыыр уорганнар эбээһинэстэрин ирдэбилинэн көмөлөһөллөрө өссө үчүгэй.

edersaas.ru

Ол курдук, Өлүөхүмэ борокуратуурата биир кыыс сайабылыанньатынан бэрэбиэркэ ыыппыт.

Ол бэрэбиэркэ быһаарбытынан, бу кыыс тулаайах уонна төрөппүт иитиитэ-көрүүтэ суох хаалбыт оҕолор ахсааннарыгар киирэр итиэннэ саахалланар туруктаах, көтүрүллүөхтээх дьиэҕэ олорор эбит.

Маныаха РФ Дьиэҕэ-уокка кодексатын ирдэбиллэрин кэһэн, муниципалитет киниэхэ дьиэ биэрбэккэ сылдьыбыт.

Эдэр киһи быраабын көмүскээн, борокуратуура «Өлүөхүмэ куорат» МТ дьаһалтатын аатыгар ирдэбил-сурук киллэрбит. Ол түмүгэр, олоҕун саҥа саҕалаан эрэр кыыс саҥа тутуллубут дьиэҕэ кыбартыыра ылан, үөрүүтэ-көтүүтэ үксээбит.

Бу туһунан СӨ Борокуратууратын пресс-сулууспата иһитиннэрдэ.

Биһиги корр., «Саха сирэ» хаһыат, edersaas.ru

Хаартыска: интэриниэттэн

+1
0
+1
0
+1
0
+1
0
+1
0
+1
0
+1
0