Оҕурсу уонна дыня
Оҕурсуну, дыняны талбыт эр дьон хорсуттар, дьоһуннар уонна боччумнаахтар. Туора дьон сабыдыалыгар киирэн биэрбэттэр, арыгыттан тэйиччи тутталлар. Бу астары сөбүлээччилэр ортолоругар спортсменнар, айаны сөбүлээччилэр элбэхтэр. Бу бөлөххө киирсэр эр киһи дьахтарга халыҥ хахха, суон дурда буолар. Эппиэтинэстээх, туруоруммут сыалын-соругун ситиһэр.
Ол эрээри, оҕурсу-дыня сүгүрүйээччитэ романтичнайа суох соҕус. Онон киниттэн сибэкки дьөрбөтүн бэлэхтэтиэҕи баҕарар буоллаххытына, таайтара сатаабакка, саҥата-иҥэтэ суох күүтэн олорбокко, быһаччы эппит ордук.
Бу бөлөххө киирсэр дьахтар үлэтигэр бэртээхэй салайааччы буолуон сөп. Ол эрээри дьиэтигэр-уотугар букатын «иэдэйэн» түһэр. Ас кыайан астаабат, астыан да баҕарбат, үбү-харчыны кыайан тыырбат, иһит да сууйарын сөбүлээбэт. Кэргэнигэр буоллаҕына наһаа эрэллээх уонна истиҥ доҕор.
Помидор уонна арбуз
Бэһиэлэй, көхтөөх дьон бу астары олус сөбүлүүллэр. Дьону кытары уопсай тылы түргэнник булаллар. Оннук түргэнник иирсэн да туруохтарын сөп.
Бу бөлөххө киирсэр эр дьон күндү аһы билэллэр, сатаан сыаналыыллар. Үлээҕэ-хамнаска сүрэҕэ суох соҕустар.
Дьахталлар тугу барытын наһаа чугастык ылыналлар. Кыылы-сүөлү, дьиэҕэ олорору олус сөбүлүүллэр. Иирсээни тардыбаттар эрээри, арыт, холустук саҥарыахтарын сөп.
Оҕурсу уонна арбуз
Тас көрүҥнэриттэн көрдөххө олус холкулар, чуумпулар. Ол эрээри, истэригэр куруук туохтан эрэ долгуйа, уолуһуйа сылдьаллар. Маннык аһы сөбүлүүр киһини кытары доҕордостоххутуна, холбостоххутуна, көрдүгэн үрдүгэр олорор курдук сананыаххытын сөп. Тоҕо диэтэххэ, сарсын тугу этэн туруоҕун, иһигэр тугу толкуйдуу сылдьарын билбэккин даҕаны.
Оҕурсуну, арбуһу таптыыр дьахталлар тута кыыһыран, тымтан туралларын көрөрүҥ саарбах. Ол эрээри, маннык дьонуҥ истэригэр «тутан» баран, биирдэ «тоҕо тэбээн» кэбиһиэхтэрин сөп.
Бу бөлөххө айар үлэни сөбүлүүр дьон ордук киирсэллэр. Толкуйдуур дьоҕурдаахтар. Кинилэр ортолоругар учуонайдар, саҥаны, сонуну толкуйдаан олоххо киллэрээччилэр элбэхтэр.
Дыня уонна помидор
Дыня, помидор сөбүлээччилэр холкулар, чуумпулар, сиэрдээхтэр. Үчүгэй таҥаһы сөбүлүүллэр, бэртээхэйдик быһаарсаллар. Кинилэр ортолоругар худуоһунньуктар, мусукааннар, айар дьоҕурдаахтар элбэхтэр.
Бу астары сөбүлээн сиир эр дьон бэйэлэрин наһаа таптыыр, бэйэмсэх буолуохтарын сөп.
Дьахталлар тапталга бэринимтиэлэр, имэҥнээхтэр. Дьиэ кэргэннэригэр бэриниилээх, кэргэннэригэр нарын дууһалаах, кыһамньылаах буолаллар.
Интэриниэттэн