Ыам ыйын 5 күнүгэр Покровскайга Эркээни бирииһигэр сүүрүүгэ үгэс буолбут өрөспүүбүлүкэтээҕи күрэхтэһии былааҕа отут алтыс төгүлүн көтөҕүллэн ыраахтан-чугастан сындалыйбат сындааhыннаах, илистибэт иҥиирдээх, быыппастыгас былчыҥнаах эдэр-эмэн быhыйдары түмтэ.
Роман Попов, “Саха сирэ” хаһыат
Хаҥалас улууһун спорка уонна физическэй култуураҕа управлениета тэрийэн ыыппыт куоталаһыытыгар сүүрүүктэр саастарынан наарданан үс, биэс, уон, уон биэс биэрэстэҕэ илин-кэлин түһүстүлэр. Төһө да тымныы, сытыы тыаллаах күн турдар хас дистанция ахсын эриһиилээх сырсыылар буоллулар.
Эр дьон балтараа көскө куоталаһыыларыгар Дмитрий Степанов (Чурапчы, 49 мүн. 37 сөк.) кими да атахтаах оҥорбото. Оттон дьахталлар биир көскө сырсыыларыгар Мэҥэ Хаҥаластан Наталья Сотникова (35 мүн. 38 сөк.) тэҥнээҕин булбата.
Күрэхтэһии туһунан сиһилии “Саха сирэ” хаһыат чугастааҕы нүөмэригэр ааҕаарыҥ.
Роман Попов, “Саха сирэ” хаһыат
Ааптар хаартыскаҕа түһэриитэ.