Бүгүн — психическэй доруобуйа күнэ
Бу күн 1992 сылтан бэлиэтэнэр. Ол курдук, психическэй доруобуйа аан дойдутааҕы бэдэрээссийэтин туруорсуутунан маннык ыарыылаах киһиэхэ сөптөөх сыһыан, психическэй ыһыллыыны хайдах эмтиири билэр туһуттан ылыныллыбыта.
Доруобуйа харыстабылын организацията быһаарбытынан, сир үрдүгэр 450 мөл. психическэй ыарыыга ылларбыт киһи олорор, аан дойдуга хас иккис киһи олоҕун устата ити ыарыыга ылларыан сөп эбит диэн быһаарбыттар.
Арассыыйаҕа бу күн, РАМН академига Т.Б. Дмитриева көҕүлээһининэн, 2002 сылтан бэлиэтэнэр буолбута. Психическэй доруобуйа күнүгэр Арассыыйа эрэгийиэннэригэр араас кэмпириэнсийэлэр, сэминээрдэр ыытыллаллар.
Бу күн төрөөбүт биллэр-көстөр дьон
Владимир Обручев (1863 с.) — геолог, географ, суруйааччы.
Ванда Якубовская (1907с.) — киинэ режиссёра, педагог.
Бруно Фрейндлих (1909 с.) — киинэ уонна тыйаатыр артыыһа, ССРС норуодунай артыыһа.
Евгений Суслов (1937 с.) — диктор.
Лера Львова бэлэмнээтэ, edersaas.ru