2017 с. нэһилиэнньэ доруобуйатын көрүүгэ, ыарыыны эрдэттэн быһаарыыга ананар диспансеризация саҕаланар. Ыарыыны эрдэттэн быһаарыы уонна кэмигэр эмтэнии араас дьаҥ-дьаһах олохсуйарын сэрэтэр уонна нэһилиэнньэ инбэлииккэ тахсыытын аҕыйатар. Надежда ЕГОРОВА, «Саха сирэ» хаһыат, edersaas.ru
Үгэс курдук, диспансеризация үс сылга биирдэ ыытыллар. Быйыл маннык сылларга төрөөбүт дьон диспансеризацияны босхо барар кыахтанар: 1996, 1993, 1990, 1987, 1984, 1981, 1978, 1975, 1972, 1969, 1966, 1963, 1960, 1957, 1954, 1951, 1948, 1945, 1942, 1939, 1936, 1933, 1930, 1927, 1924, 1921, 1918 сс. төрүөхтэр.
Ону таһынан, нэһилиэнньэ бу араҥалара (сааһыттан тутулуга суох) диспансеризацияҕа кыттар:
– Аҕа дойду Улуу сэриитин уонна байыаннай дьайыылар бэтэрээннэрэ, уопсай ыарыыттан уо.д.а. төрүөтүнэн инбэлиит буолбут Аҕа дойду Улуу сэриитин кыттыылаахтара;
— «Ленинград блокадатын олохтооҕор» бэлиэнэн наҕараадаламмыттар, уопсай ыарыыттан уо.д.а. төрүөтүнэн инбэлиит буолбуттар.
Надежда ЕГОРОВА, «Саха сирэ» хаһыат, edersaas.ru